Shiva Krishna : టాలీవుడ్ సూపర్ స్టార్ మహేష్ గురించి ప్ర‌త్యేంగా చెప్ప‌న‌క్క‌ర్లేదు. కృష్ణ న‌ట వార‌సుడిగా ఇండ‌స్ట్రీకి ఎంట్రీ ఇచ్చి కెరీర్‌లో ఎన్నో అద్భుత‌మైన సినిమాలు చేశారు. ప్రస్తుతం టాలీవుడ్ టాప్ హీరోల‌లో ఒక‌రిగా ఉన్నారు. ప్రస్తుతం మాటల మాంత్రికుడు త్రివిక్రమ్ దర్శకత్వంలో ఓ సినిమా చేస్తున్న సంగతి తెలిసిందే. ఇంకా పేరు పెట్టని ఈ మూవీ షూటింగ్ చివరిదశకు చేరుకున్నట్లు స‌మాచారం.ఈ మూవీలో పూజా హెగ్డే, శ్రీలీల కథానాయికలుగా నటిస్తుండగా.. ఇప్పటికే విడుదలైన ఫస్ట్ లుక్ పోస్టర్ మరింత క్యూరియాసిటిని పెంచేసాయి.. ఈ చిత్రానికి అమరావతికి అటు ఇటు అనే టైటిల్ ఫిక్స్ చేసినట్లుగా ఫిల్మ్ సర్కిల్లో ప్ర‌చారాలు జ‌రుగుతున్నాయి.
ఇక మహేష్.. డైరెక్టర్ రాజమౌళి కాంబోలో ఓ ప్రాజెక్ట్ తెర‌కెక్క‌నుండ‌గా ఈ మూవీ. ఫారెస్ట్ అడ్వెంచరస్ యాక్షన్ డ్రామాగా రాబోతుంది. ఈ సినిమాతో మహేష్ పాన్ ఇండియా స్టార్‌గా మార‌నున్నాడు. మహేష్ 5 సంవత్సరాల వయసులో నీడ అనే చిత్రంతో తెరంగేట్రం చేసాడు. బాల్యనటుడిగా తన తండ్రితోపాటు 7 చిత్రాలకు పనిచేసిన మహేష్ బాలచంద్రుడు సినిమాలో ప్రధాన పాత్రలో పోషించి అల‌రించ‌డు. తరువాత తిరిగి సోలో హీరోగా 1999లో ప్రిన్స్ మహేష్ బాబుగా రాజకుమారుడు సినిమాతో గ్రాండ్ ఎంట్రీ ఇచ్చి అక్క‌డ నుండి వెనుదిరిగి చూసుకోలేదు. మురారి, ఒక్కడు, అతడు, పోకిరి వంటి సినిమాలు మహేష్ ని టాప్ హీరోగా నిల‌బెట్టాయి.
మహేష్ బాబుని ఇష్టపడని ఆర్టిస్టులు వుండరు అంటే అతిశ‌యోక్తి కాదు. అతను ఎవ‌రితో ఎక్కువ‌గా వివాదాలు పెట్టుకోడు. ఇటీవ‌ల అతని గురించి ఓ మీడియా వేదికగా సీనియర్ యాక్టర్ శివ కృష్ణ గారు మాట్లాడుతూ… మహేష్ బాబు బోర్న్ ఆర్టిస్టు అంటూ ఆకాశానికెత్తేశారు. మహేష్ బాబుని చిన్నప్పుడే తన మేనేజర్ ద్వారా చూసిన శివ కృష్ణ అతను ఫ్యూచర్ సూపర్ స్టార్ అవుతాడని జోశ్యం చెప్పాడట. ఇప్పుడు అంత‌కు మించి అన్న రేంజ్‌లో మహేష్ ఎదిగాడు. ఇప్పుడు అత‌నిని చూసి ఘ‌ట్ట‌మ‌నేని అభిమానులు ఫుల్ ఖుష్ అవుతున్నారు.
