Anand Deverakonda : చిరంజీవి చేతిని ప‌ట్టుకొని క‌న్నీరు పెట్టుకున్న విజ‌య్ దేవ‌ర‌కొండ త‌ల్లి..!

Anand Deverakonda : మెగాస్టార్ చిరంజీవికి చిన్న పిల్లాడి నుండి పండు ముస‌లి వ‌ర‌కు ఫ్యాన్ ఫాలోయింగ్ ఉన్న విషయం తెలిసిందే. ఆయ‌న డ్యాన్స్‌ల‌కి, ఫైట్స్ కి ,న‌ట‌న‌కి ఫిదా కాని వారు లేరంటే అతిశ‌యోక్తి కాదు. ఏడు ప‌దుల‌కి ద‌గ్గ‌ర అవుతున్నా కూడా వ‌రుస సినిమాలు చేస్తూ అందరిని అల‌రిస్తూ ప్రేక్ష‌కుల మ‌న‌సుల‌లో చెర‌గ‌ని ముద్ర వేసుకుంటున్నారు. 70, 80, 90ల దశకంలోని అందరికీ చిరంజీవి అభిమాన హీరో. ఇప్పుడు కూడా చాలా మంది ఆయ‌న అభిమానులుగా ఉన్నారు. రీసెంట్‌గా జ‌రిగిన బేబి క‌ల్ట్ సెల‌బ్రేష‌న్స్ లో ఎస్ కే ఎన్, సాయి రాజేష్‌లు స్వతాహాగా చిరు అభిమానులు. చిరు మీదున్న ప్రేమతోనే చదువు సంధ్యలు వదిలేసి హైద్రాబాద్‌కు వచ్చారని చెప్పుకొచ్చారు.

ఇక ఆ కార్య‌క్ర‌మానికి ఆనంద్ దేవరకొండ పేరెంట్స్ కూడా వచ్చారు. ఇక స్టేజ్ మీద ఆనంద్ దేవరకొండ, ఆయన తల్లి మాధవి, తండ్రి గోవర్దన రావు కూడా నిల్చున్నారు. విజయ్ దేవరకొండ తండ్రి చిరంజీవితో ఏదో ముచ్చటిస్తున్నాడు. అటు పక్కన విజయ్ తల్లి మాధవ్ నిల్చుంది. అయితే చిరంజీవి పక్కన నిల్చోవడం మాత్రమే కాదు.. చిరు చేయి పట్టుకుంది.. అది గమనించిన చిరు.. కాస్త దగ్గరకు వచ్చి.. ప్రేమగా ఆమె చేతిని పట్టుకున్నాడు.. ఇక దీంతో విజయ్ తల్లి మరింతగా మురిసిపోయింది.. ఆ తరువాత ఫోటోలకు పోజులు ఇచ్చే టైంలోనూ మాధవి చిరు చేతిని వదలకుండా చాలా ఎమోష‌ల్ అయింది.

ఎంత ఏజ్ వాళ్లైనా సరే చిరంజీవికి అభిమానులే.. చిరుని చూస్తే చాలు, ఓ ఫోటో దిగితే చాలు అని అనుకుంటారు అంటూ మెగా అభిమానులు కామెంట్లు చేస్తున్నారు. చిరు పక్కన నిలబడటంతో విజయ్ తల్లి ఆనందం కంట్లో కనిపిస్తోందంటూ కామెంట్లు కనిపిస్తున్నాయి. ఇక ఆనంద్ దేవరకొండ అయితే చిన్నతనంలో చిరంజీవి సినిమాకు తీసుకెళ్లమని ఏడ్చేవాడట. స్క్రీన్ మీద చిరంజీవిని చూస్తే ఇలా బతకాలి కదా? అని అనుకునేవాడట. అలాంటి చిరంజీవి తన సినిమా కోసం వచ్చి.. తమ టీంను ఎంకరేజ్ చేస్తుండటంతో ఆనందంగా ఉందని చెప్పుకొచ్చాడు. నటుడికి ఇంత కంటే ఏం కావాలంటూ చాలా ఉద్వేగానికి లోన‌య్యాడు ఆనంద్.