Kantara Movie : అల్లు అర‌వింద్ ల‌క్ మామూలుగా లేదుగా.. పావలా పెట్టి కొంటే.. రూ.10 లాభం..

Kantara Movie : మెగా నిర్మాత అల్లు అర‌వింద్ అదృష్టం ఇటీవ‌లి కాలంలో మాములుగా లేదు.ఏది చేసిన కూడా ఆయ‌న‌ను అదృష్టం వ‌రిస్తూనే ఉంది. ఆహాని మొద‌లు పెట్టి లాభాల బాట‌లో ప‌య‌నిస్తున్నాడు అర‌వింద్. మ‌రోవైపు ఆయ‌న త‌న‌యుడు అల్లు అర్జున్ కూడా మంచి స‌క్సెస్ లు సాధిస్తూ భారీగా రెమ్యున‌రేష‌న్ అందుకుంటున్నాడు. ఈ క్ర‌మంలో అల్లు స్టూడియో ఒక‌టి ఇటీవ‌ల ప్రారంభించారు. అయితే రీసెంట్‌గా అర‌వింద్ క‌న్న‌డ సినిమా తెలగు థియేట్రిక‌ల్ రైట్స్ కొనుగోలు చేశారు. రూ.2 కోట్లకు అనువాద హక్కులను కొనుగోలు చేసినట్టు సమాచారం. గీతా ఫిలింస్ డిస్ట్రిబ్యూషన్ ద్వారా శనివారం ఈ సినిమా ప్రేక్ష‌కుల ముందుకు వ‌చ్చింది.

ఈ సినిమాకి అర‌వింద్ పెద్ద‌గా ఖ‌ర్చు పెట్టింది లేదు. ఎలాంటి ప్ర‌మోష‌న్స్ చేయ‌లేదు. అయిప్ప‌టికీ, తొలిరోజే రూ.2.1 కోట్లకు పైగా షేర్ వసూలు చేసింది. అంటే ఒక్కరోజులోనే రావాల్సిన మొత్తాన్ని లాగేసింది. ఇక ఈరోజు ఆదివారం కావడంతో మరో రూ.2 కోట్ల షేర్ వచ్చే అవకాశం ఉంది. వరల్డ్ వైడ్ రూ. 5 కోట్ల గ్రాస్ వసూలు చేసింది. సెకండ్ డే ఓపెనింగ్ డేకి మించి వసూళ్లు నమోదయ్యే సూచనలు కనిపిస్తున్నాయి. ఫుల్ రన్ లో కాంతార రూ. 10 కోట్లకు పైగా షేర్ వసూలు చేయవచ్చనేది ట్రేడ్ వర్గాల అంచనా. మొత్తంగా అల్లు అరవింద్ డబ్బింగ్ మూవీతో పెట్టుబడికి ఐదారు రెట్ల లాభం పొందనున్నారు.

తెలుగు రాష్ట్రాల్లోనే కాకుండా హిందీలోనూ ‘కాంతార’ కలెక్షన్స్ ఆకట్టుకుంటున్నాయి. హిందీ వెర్షన్ శుక్రవారం విడుదలైంది. తొలిరోజు ఈ సినిమా నార్త్‌లో రూ.1.3 కోట్లకు పైగా నెట్ వసూలు చేసింది. నిజానికి నార్త్‌లో ‘కాంతార’కు పెద్దగా థియేటర్లు ఇవ్వలేదట. తొలిరోజు మంచి కలెక్షన్లు రావడంతో థియేటర్ల సంఖ్యను పెంచారు. దీంతో శనివారం హిందీ వెర్షన్ కలెక్షన్స్ అనూహ్యంగా పెరిగాయి. రెండో రోజు హిందీలో ‘కాంతార’ సుమారుగా రూ.2.25 కోట్ల నెట్ వసూలు చేసింది. అంటే, హిందీలోనూ ఈ సినిమా రెండు రోజుల్లో సుమారు రూ.3.5 కోట్లు రాబట్టింది.