Upasana : పెళ్లైన పదేళ్లకు తల్లిదండ్రులుగా మారుతున్నారు రామ్ చరణ్, ఉపాసన జంట. తొలి బిడ్డకి ఆహ్వానం పలుకుతూ పేరెంట్ హుడ్ లోకి అడుగు పెడుతున్నారు. ఇక మెగా వారసుడి కోసం ఎంతకాలంగా ఎదురు చూస్తున్న మెగా కుటుంబానికి, అభిమానులకు ఈ వార్త ఎంతో ఆనందాన్ని ఇచ్చింది అనే చెప్పాలి. గత ఏడాది డిసెంబర్ లో ఈ శుభవార్తని స్వయంగా చిరంజీవి అందరికి తెలియజేశాడు. ఈ ఏడాది ఆగష్టులో మెగా వారసుడు ఎంట్రీ ఇవ్వనున్నట్లు చిరంజీవి చెప్పుకొచ్చాడు. ఇక మొన్నటి వరకు ఆర్ఆర్ఆర్ ప్ర‌మోషన్స్, RC15 షూటింగ్స్ అంటూ గ్యాప్ లేకుండా గడిపాడు రామ్ చరణ్.
రీసెంట్‌గా ఈ రెండిటికి విరామం రావడంతో చరణ్, ఉపాసనను తీసుకోని రిలాక్స్ అవ్వడానికి ఇటీవల దుబాయ్ వెళ్ళాడు. ఇక అక్కడ ఉపాసన కజిన్స్ అండ్ సిస్టర్స్ తో కలిసి వెకేషన్ ని ఎంజాయ్ చేయ‌గా, ఈ వెకేషన్ లోనే ఉపాసనకి తన సిస్టర్స్ సీమంతం చేశారు. ఈ కార్యక్రమంలో ఉపాసన కుటుంబ సభ్యులు కూడా హాజరయ్యారు. అందుకు సంబంధించిన వీడియోని ఉపాసన తన సోషల్ మీడియాలో షేర్ చేస్తూ.. తన సిస్టర్స్ కి థాంక్యూ చెప్పింది.ఇక ఉపాసన ప్రస్తుతం రెస్ట్ మోడ్‌లో ఉండ‌గా, ఆమెకు ప‌లువురు గిఫ్ట్‌లు కూడా పంపిస్తున్నారు.
బాలీవుడ్ బ్యూటీ అలియా భట్ ఊహించని విధంగా ఉపాసనని సర్ప్రైజ్ చేసింది. ఉపాసనకు అలియా అదిరిపోయే గిఫ్ట్ పంపింది. అలియా నుంచి గిఫ్ట్ అందుకున్న ఉపాసన సంతోషం వ్యక్తం చేస్తూ ఈ విషయాన్ని సోషల్ మీడియాలో పంచుకున్నారు. అలియా భట్ ప్రస్తుతం ‘ఈద్ ఏ మమ్మ’ అనే క్లోతింగ్ బ్రాండ్ కి బ్రాండ్ అంబాసిడర్ గా వ్యవహరిస్తుండ‌గా, ఆ సంస్థకి సంబంధించిన పెద్ద కిట్ ని అలియా ఉపాసనకు పంపింది. ఈ కిట్ లో గర్భంతో ఉన్నవారికి అవసరమైన బట్టలు, వస్తువులతో పాటు పుట్టబోయే పిల్లలకు కావలసిన బట్టలు కూడా ఉంటాయి. కాగా, ఆర్ఆర్ఆర్ చిత్రం షూటింగ్ స‌మ‌యంలో అలియా భట్, రాంచరణ్ ఫ్యామిలీ మధ్య మంచి రిలేషన్ ఏర్పడింది.
