Akira Nandan : పవర్ స్టార్ పవన్ కళ్యాణ్ క్రేజ్ గురించి ప్రత్యేకంగా చెప్పాల్సిన అవసరం లేదు. ఆయన సినిమాలు వస్తున్నాయంటే ఫ్యాన్స్ పూన‌కం వ‌చ్చిన‌ట్టు ఊగిపోతుంటారు. ఇక పవన్ ప్రస్తుతం రాజకీయాల్లో బిజీగా ఉన్నారు . మరో వైపు టైం దొరికినప్పుడల్లా సినిమాలు చేస్తూ ప్రేక్షకులను ఆకట్టుకుంటున్నారు. ఇదిలా ఉంటే పవర్ స్టార్ తనయుడు కూడా అదే రేంజ్ లో క్రేజ్ సొంతం చేసుకున్నాడు. సినిమాలు చేయలేదు.. అలా అని ఎక్కువగా సోషల్ మీడియాలోనూ యాక్టివ్ గా ఉండడు.. కానీ అకీరా నందన్ కు ఉన్న క్రేజ్ మాత్రం రోజురోజుకి పెరుగుతూ పోతుంది. అకీరా ఫోటోలను అతడి తల్లి రేణు దేశాయ్ అప్పుడప్పుడు సోషల్ మీడియాలో పోస్ట్ చేస్తూ ఉండ‌గా, ఆ ఫోటోలు చూసి ఫ్యాన్స్ ఖుష్ అవుతుంటారు.
తాజాగా అకీరా లుక్ చూసి ఫ్యాన్స్ ఫిదా అవుతున్నారు. ప‌వ‌ర్‌స్టార్ పవన్ కళ్యాణ్ బ్లాక్ బ‌స్ట‌ర్ మూవీస్‌లో ఒక‌టైన ఖుషి సినిమాను కూడా డిసెంబ‌ర్ 31న రీ రిలీజ్ చేశారు. సినిమా వచ్చి 21 సంవ‌త్స‌రాలు అవుతున్నా కూడా ఈ సినిమాపై క్రేజ్ ఏమాత్రం త‌గ్గలేదు. అభిమానులు భారీ సంఖ్య‌లో ఖుషి రీ రిలీజ్‌ను 4K రెజ‌ల్యూష‌న్‌లో చూసి ఎంజాయ్ చేశారు. ఈ సినిమాను అభిమానుల‌తో క‌లిసి పవన్ కళ్యాణ్ తనయుడు అకీరా నందన్ చూసారు.. అయితే అకీరా త‌నెవ‌రో ముఖాన్ని మాస్క్‌తో దాచుకుని థియేట‌ర్‌కు వ‌చ్చారు. అంతేకాదు అభిమానుల‌తో క‌లిసి సినిమాను చూసి ఎంజాయ్ చేశారు.
అయితే థియేట‌ర్ నుంచి బ‌య‌ట‌కు వెళ్లేట‌ప్పుడు కూడా సైలెంట్‌గా బ‌య‌ట‌కు వ‌చ్చేశారు. కానీ కొంత మంది ఆయ‌న్ని ఫొటోలు వీడియోస్‌లో బంధించ‌డంతో ఇప్పుడు ఫొటోలు వీడియోలు నెట్టింట వైరల్ అవుతున్నాయి. అకీరా నందన్ కు యూత్ లో ఊహించని రేంజ్ లో ఫ్యాన్ ఫాలోయింగ్ పెరుగుతూ పోతుంది. అకీరా నందన్ సినీ ఎంట్రీ కోసం ఎంతో ఆతృతగా ఎదురుచూస్తున్నారు. అకీరా సినిమాల్లోకి వస్తే పవర్ స్టార్ రేంజ్ లో సక్సెస్ అవుతారని ఫ్యాన్స్ అంటున్నారు. అకీరా రఫ్ లుక్ లో కనిపిస్తున్నాడు. తప్పకుండా మాస్ సినిమాతో అకీరా ఎంట్రీ ఉంటుందని ఫ్యాన్స్ అంటున్నారు.
