Iravatham Movie : సస్పెన్స్, థ్రిల్లర్ జోనర్‌తో తెరకెక్కిన ఐరావతం చిత్రం ఓటీటీలో సత్తా చాటుతున్నది. ఎస్తేర్ నోహ, అమర్ దీప్, తన్వీ నేగి, అరుణ్ ప్రధాన పాత్రలలో నటించిన ఈ చిత్రాన్ని రేఖ పలగాని సమర్పణలో రాంకీ పలగాని, బాలయ్య చౌదరి, లలిత కుమారి తోట నిర్మాతలు ఈ చిత్రాన్ని నిర్మించ‌గా, సుహాస్ దర్శకత్వం వహించారు. జానకి కలగనలేదు సీరియల్ ఫేమ్ అమర్ దీప్, యువ హీరోయిన్ ఎస్తేర్ నోర్హా తదితరుల కీలకపాత్రలు పోషించిన ఈ మూవీ నవంబర్ 17వ తేదీ నుంచి డిస్నీ+హాట్ స్టార్ స్ట్రీమింగ్ అవుతుంది. ఐరావతం మూవీకి డిస్నీ+హాట్ స్టార్‌లో అనూహ్య స్పందన లభిస్తుండగా, నంబర్ వన్ పొజిషన్‌లో స్ట్రీమింగ్ అవుతుందని చిత్ర యూనిట్ తెలిపింది.
నవంబర్ 17న విడుదలైన ఈ ఫ్యూజన్ డ్రామా చిత్రం.. సైలెంట్‌గా సంచలనాలను సృష్టిస్తోంది. ఆడియెన్స్ ఆద‌ర‌ణ పొందుతూ ఒక నెలలో 100 మిలియన్ అండ్ ఫిఫ్టీ తౌసండ్ వ్యూయింగ్ మినిట్స్‌ను ఈ చిత్రం సాధించింది. సినిమాకు వస్తోన్న ఈ ట్రెమండస్ స్పందనతో.. టీమ్ అంతా క‌లిసి సక్సెస్ పార్టీని కూడా సెల‌బ్రేట్ చేసుకుంది. త్వరలోనే ఐరావతం ద్విముఖం (పార్ట్ 2)ను తెరకెక్కించేందుకు మేకర్స్ సన్నాహాలు చేస్తున్నట్లుగా తెలుస్తోంది. ఎస్తేర్ నొర్హానా, అమీర్ దీప్ పాత్రలకు మంచి రెస్పాన్స్ లభిస్తున్నది.
రెండు వేరియేషన్స్‌తో కనిపించే అరుణ్, ఎస్తేర్ పాత్రలు ప్రేక్షకులను ఎంత‌గానో ఆకట్టుకొంటున్నాయి. స్పస్పెన్స్, హారర్, థ్రిల్లింగ్ అంశాలకు మంచి రెస్పానస్ వస్తున్నది. వైట్ కెమెరా నేపథ్యంగా సాగే కథ మంచి ఎంగేజింగ్‌గా ఉంది అని అంటున్నారు. ఒక వైట్ కెమెరాను అడ్డుపెట్టుకొని భర్తపై ఒక భార్య ఎలా పగ తీర్చుకొంది అనేది ఈ చిత్రంలో చూపించారు. ఇక ఈ సినిమా గత రెండువారాలుగా టాప్ ట్రెండ్ లో కొనసాగుతోంది. సుహాస్ మాకు ఆటవిడుపుగా ఐరావతం కథ చెప్తే విని కథలోని స్క్రీన్ ప్లే స్ట్రాటజీ నచ్చి మూవీ తీద్దామనుకున్నామని, చివరికి ఈ మూవీ హాట్ స్టార్‌లో అనుకోకుండా రెండు వారాలుగా టాప్‌లో స్ట్రీమింగ్ అవుతోందని చిత్ర నిర్మాతలు చెప్పుకొచ్చారు.
