AB Venkateshwar Rao : వివేకాని చంపింది వాళ్లేన‌ని గంట‌లో చెప్పిన ఏబీ వెంక‌టేశ్వ‌ర‌రావు

AB Venkateshwar Rao : వివేకానంద‌రెడ్డి హ‌త్య జ‌రిగి ఐదేళ్లు అయిన కూడా ఇంకా ఈ హ‌త్య‌కి కార‌ణాలు ఏంట‌నేవి తెలియ‌డం రాలేదు. అయితే ఇటీవ‌ల వివేక మర్డర్ కేస్ పై ద వైర్ రెండో ఎపిసోడ్ ను విడుదల చేసింది. వివేక కేసు దర్యాప్తులో సీబీఐ మరిచిపోయిన కీలక అంశాలను గుర్తు చేస్తూ ది వైర్ మరో సంచలన కథనం ప్రచురించింది. ఇప్పటికీ వివేకా కేసులో సిబిఐ ఫైనల్ చార్జిషీట్ దాఖలు చేసిన సంగతి తెలిసిందే. వివేక మర్డర్ జరిగిన నాలుగున్నర సంవత్సరాల తర్వాత సిబిఐ దాఖలు చేసిన ఫైనల్ చార్జిషీట్ లో ఎన్నో కీలక సాక్షాదారాలను సిబిఐ సేకరించలేకపోయిందంటూ ద వైర్ అభిప్రాయపడింది.మర్డర్ జరిగిన రెండు సంవత్సరాల తర్వాత అనూహ్యంగా తెర మీదకు వచ్చిన సంచలన ఆరోపణలు, అనుమానాలకు ఎలాంటి ఆధారాలు చూపకుండానే అవినాష్ రెడ్డి, భాస్కర్ రెడ్డి తదితరులను నిందితులుగా పేర్కొంటూ దర్యాప్తు ముగించింది.

అయితే సీబీఐ ఐదు సంవ‌త్స‌రాలు ఎంక్వైరీ చేసి ఏ విష‌యాలు అయితే చెప్పిందో వివేకానంద రెడ్డి హ‌త్య జ‌రిగిన గంట త‌ర్వాత అవే విష‌యాల‌ని చెప్పారు ఏబీ వెంక‌టేశ్వ‌ర‌రావు. ఈయ‌న అధికారంలో ఉంటే ఎక్క‌డ వైసీపీ వారి లొసుగులు అన్ని బ‌య‌ట‌ప‌డాతాయ‌నో ఆయ‌న‌ని విధుల నుండి తొల‌గించారు. గత ప్రభుత్వ హయాంలో నిఘా విభాగం అధిపతిగా పనిచేసిన ఏబీ వెంకటేశ్వరావు నిఘా పరికరాల కొనుగోళ్లలో అక్రమాలకు పాల్పడ్డారంటూ వైసీపీ ప్రభుత్వం విచారణకు ఆదేశించింది. ఆయనను విధుల నుంచి తొలగించింది. దాంతో ఆయన న్యాయపోరాటం చేశారు. ఏబీ వెంకటేశ్వరరావుపై సస్పెన్షన్ ఎత్తివేసి వెంటనే విధుల్లోకి తీసుకోవాలని గతేడాది సుప్రీంకోర్టు ఏపీ ప్రభుత్వాన్ని ఆదేశించింది.

ఆ తర్వాత ఆయనకు ప్రింటింగ్ అండ్ స్టేషనరీ విభాగంలో పోస్టింగ్ ఇచ్చారు. అయితే ఆ పోస్టింగ్ ఇచ్చిన 15 రోజులకే ఆయనను మరోమారు సస్పెండ్ చేశారు. అవినీతి కేసులో సాక్షుల్ని ప్రభావితం చేశారన్న అభియోగాలతో ప్రభుత్వం ఆ మేరకు సస్పెన్షన్ వేటు వేసింది. మళ్లీ ఇంత వరకూ సస్పెన్షన్ ఎత్తివేయలేదు. దాంతో ఆయనకు పోస్టింగ్ లభించడం లేదు. అయితే వచ్చే ప్ర‌భుత్వంలో ఆయ‌న‌కు మంచి పోస్టింగ్ ఇస్తే క‌నుక నేర‌గాళ్ల అంద‌రి గురించి మొత్తం బ‌య‌ట‌పెట్టేస్తాడు అని కొంద‌రు కామెంట్ చేస్తున్నారు.