Aaradhya Bachchan : అచ్చం తల్లిని ప్రింట్ దింపేసిన ఆరాధ్య బ‌చ్చ‌న్.. ఎంత క్యూట్‌గా ఉందంటూ ఐష్ కూతురిపై ప్ర‌శంస‌లు..

Aaradhya Bachchan : ప్రపంచ సుందరిగానే కాకుండా సౌత్, నార్త్ ఫిల్మ్ ఇండస్ట్రీలో టాప్ హీరోయిన్ గా ఓ వెలుగు వెలిగిన అందాల తార ఐశ్వ‌ర్య‌రాయ్. ఇప్పటికి చెక్కు చెదరని అందంతో ఎవర్ గ్రీన్ బ్యూటీగా అభిమానుల గుండెల్లో నిలిచిపోయిన ఐశ్వ‌ర్య‌రాయ్ అడ‌పాద‌డ‌పా సినిమాల‌తో అల‌రిస్తుంది. హీరో అభిషేక్ బచ్చన్ ని పెళ్లి చేసుకున్న తర్వాత ఈ మాజీ మిస్ వరల్డ్ ..అప్పుడప్పుడు వెండితెరపై మెరుస్తూ ..అప్పుడప్పుడు పార్టీలు, ఫంక్షన్ లలో కనిపిస్తూ ప్ర‌తి ఒక్క‌రిని సంభ్ర‌మాశ్య‌ర్యాల‌కి గురి చేస్తుంది. రీసెంట్ గా జరిగిన అనంత్ అంబానీ, రాధిక మర్చంట్ ప్రీ వెడ్డింగ్ సెలబ్రేషన్స్ కి చివరి రోజు బిగ్ బి ఫ్యామిలీ అటెండ్ అయింది.

ఈ పార్టీకి వచ్చిన బచ్చన్ ఫ్యామిలీలో ఐశ్వర్యరాయ్ కంటే మరొకరు ఆమెను అందంలో బీట్ చేశారు.ఆమె ఎవరో కాదు ఐశ్వర్యరాయ్ బచ్చన్, అభిషేక్ బచ్చన్ ల ముద్దుల‌ కుమార్తె ఆరాధ్య బచ్చన్. ఈ స్టార్ కిడ్ తల్లి ఐశ్వర్యతో క‌నిపించి అంద‌రికి పెద్ద షాక్ ఇచ్చింది. ఆరాధ్య లుక్ చూసి అంద‌రు సంభ్ర‌మాశ్చ‌ర్యాల‌కి గుర‌వుతున్నారు. ఐశ్వర్యరాయ్ అందం కంటే ఆరాధ్య మరింత అందంగా కనిపిస్తూ ఫోటోలకు చిక్కింది. ఇప్పుడు ఆరాధ్య అందం చూసి నెటిజన్లు ..గ్లామర్ లో తల్లిని మించిపోయేలా ఉందంటున్నారు. 90ల‌లో ఐశ్య‌ర్య‌రాయ్ ఎలా ఉందో ఇప్పుడు ఆరాధ్య అలానే ఉందంటూ కొంద‌రు కామెంట్స్ చేస్తున్నారు.

చివరిరోజు జామ్ నగర్ లో ఎంటర్ టైనమెంట్ కార్యక్రమాలు జరిగిన విష‌యం తెలిసిందే. ఆరాధ్య తన తండ్రి, తల్లి మధ్యలో కూర్చుని ఎంజాయ్ చేస్తున్న వీడియో కూడా వైరల్ అవుతోంది.ఇందులో ఆరాధ్య ఫోటోల్లో స్మైలీ లుక్స్ తో ..గార్జియస్ బ్యూటీగా అభిమానులను ఫిదా చేస్తోంది. ఆరాధ్య తళుక్కున మెరిసిపోతున్న లుక్ లోంచి ఎవ‌రు కళ్లు తిప్పుకోలేకపోతున్నారంటూ చాలా కామెంట్స్ వస్తున్నాయి. ఆరాధ్య తన హెయిర్ స్టైల్‌లో అంచులు లేకుండా చాలా అందంగా ఉంది, ఆరాధ్య తన తల్లిలా చాలా అందంగా ఉంటూ ఈవెంట్‌కి స్పెష‌ల్ అట్రాక్ష‌న్‌గా నిలిచారు.