7G Brundavan Colony : 7జి బృందావ‌న కాల‌నీ యాక్ట‌ర్ల‌ను ఇప్పుడు చూడండి.. ఎలా మారిపోయారో..!

7G Brundavan Colony : ఒక‌ప్పుడు యూత్ ను ఎంతగానో అలరించిన సూప‌ర్ హిట్ చిత్రం 7/జీ బృందావనం కాలనీ.ఈ చిత్రం సెప్టెంబర్ 22న థియేటర్లలో రీరిలీజ్ కాబోతోంది. ఇప్పటికీ చిత్రంలోని పలు సన్నివేశాలు, పాటలు, కామెడీ సీన్స్ నెట్టింట వైరల్ అవుతూనే ఉన్న విషయం తెలిసిందే. చిత్రం మరోసారి వెండితెరపై రాబోతుండటంతో సినీ ప్రియులు ఖుషీ అవుతున్నారు. రీసెంట్‌గా విడుద‌లైన ట్రైల‌ర్‌కి కూడా మంచి రెస్పాన్స్ వ‌చ్చింది. అయితే రిలీజ్ ద‌గ్గ‌ర ప‌డుతున్న నేప‌థ్యంలో మేక‌ర్స్ ఒక ప్ర‌మోష‌న‌ల్ ఈవెంట్ నిర్వ‌హించారు. ఈవెంట్‌కి చిత్ర యూనిట్ హాజరైంది. ఈ సందర్భంగా రవికృష్ణను చూసిన వారందరూ షాక్ అయ్యారు. చాలా కాలంగా కనిపించకపోవడంతో ఒక్కసారిగా ఆయన్న చూసి గుర్తు పట్టలేకపోతున్నారు.

ప్రస్తుతం ఆయన లావుగా మారిపోయారు. ఫేస్ పూర్తిగా బుగ్గలతో నిండిపోయింది. దీంతో సడెన్ గా చూసిన వారు గుర్తుపట్టడం కష్టమే అన్నట్టుగా లేటెస్ట్ లుక్ ఉంది. ప్రస్తుతం ఆయన ఫొటోలు, వీడియోలు నెట్టింట వైరల్ గా మారాయి. ఇక సుమ‌న్ శెట్టి లుక్ కూడా కొంత మారింది. ఆయ‌న త‌న‌దైన స్టైల్‌లో పంచ్‌లు విసురుతూ మాట్లాడారు. అలానే సినిమాలోని డైలాగ్ కూడా చెప్పి న‌వ్వించారు. సోనియా అగర్వాల్ మాత్రం అంతే ఉంది. 20 ఏళ్ల త‌ర్వాత వీరిని ఇలా చూసి ప్ర‌తి ఒక్క‌రు ఆశ్చ‌ర్య‌పోతున్నారు. ప్ర‌స్తుతానికి అయితే వీరి పిక్స్ నెట్టింట తెగ హ‌ల్చ‌ల్ చేస్తున్నాయి.

ప్రముఖ నిర్మాత ఎంఏం రత్నం కొడుకు ర‌వికృష్ణ‌ హీరోగా 7/జీ బృందావనం కాలనీ . ఈ చిత్రానికి సెల్వ రాఘవన్ దర్శకత్వం వహించారు. సోనియా అగర్వాల్ కథానాయిక‌. సుమన్ శెట్టి, చంద్రమోహన్ కీలక పాత్రలు పోషించారు. యువన్ శంకర్ రాజా అందించిన సంగీతం ఇప్పటికీ సంగీత ప్రియులు మరిచిపోలేదు. దాదాపు 20 ఏళ్ల కింద 7/జీ బృందానం కాలనీ చిత్రం విడుద‌ల కాగా, ఇప్పుడు ఈ చిత్రాన్ని రీరిలీజ్ చేయ‌డంప‌ట్ల అందరు సంతోషం వ్య‌క్తం చేస్తున్నారు. చిత్ర హీరో రవికృష్ణ‌.. 2011 తర్వాత సినిమాలకు దూరమయ్యారు. 12 ఏళ్లుగా ఈ హీరో ఎక్కడా పెద్దగా కనిపించలేదు. తాజాగా ఇలా కనిపించేస‌రికి అంద‌రు షాక్ అవుతున్నారు.