శివ లింగాన్ని ముందుగా నంది కొమ్ముల నుంచి చూస్తూనే ద‌ర్శించుకోవాలి.. ఎందుకంటే..?

ప్ర‌పంచ‌వ్యాప్తంగా శివాల‌యాలు ఎన్నో ఉన్నాయి. అనేక దేశాల్లోనూ ఎన్నో చారిత్ర‌క ఆల‌యాలు ఉన్నాయి. మ‌న దేశంలో చాలా పురాత‌నమైన శివాల‌యాల‌ను మ‌నం చూడ‌వ‌చ్చు. అయితే మ‌నం ఏ శివాల‌యానికి వెళ్లినా స‌రే.. మ‌న‌కు శివుడు లింగ రూపంలోనే ద‌ర్శ‌నం ఇస్తాడు. ఆయ‌న‌కు రూపం ఉండ‌దు. ఇక శివున్ని ద‌ర్శించుకుంటానికి ముందు గ‌ర్భ‌గుడి ఎదురుగా ఉండే నంది కొమ్ముల నుంచి ముందుగా శివ‌లింగాన్ని చూడాలి. ఆ త‌రువాతే గ‌ర్భ‌గుడిలోకి వెళ్లాలి. ఇలా ఎందుకు ద‌ర్శించుకోవాల‌నే విషయాన్ని పండితులు తెలియ‌జేస్తున్నారు. దీని వెనుక ఉన్న కార‌ణాన్ని వారు చెబుతున్నారు.

సాధార‌ణంగా మ‌నం ఏ దేవున్ని లేదా దేవ‌త‌ను ద‌ర్శించుకున్నా నేరుగా గ‌ర్భ‌గుడిలోకి వెళ‌తాం. కానీ శివున్ని మాత్రం ముందుగా నంది కొమ్ముల నుంచి ద‌ర్శించుకోవాలి. ఆ త‌రువాతే గ‌ర్భ‌గుడిలోకి వెళ్లాలి. ఇలా ఎందుకు చేయాలంటే.. శివుడు త్రిమూర్తుల‌లో ఒక‌రు. ఆయ‌న‌కు రూపం ఉండ‌దు. ఆయన్ను లింగ రూపంలో ద‌ర్శించుకోవాలి. శివుడు ల‌య కారకుడు. ఆయ‌న‌కున్న మూడో క‌న్ను తెరిస్తే సృష్టి అంత‌మ‌వుతుంది. స‌క‌లం భ‌స్మం అయిపోతుంది. అంత‌టి శ‌క్తి ఆయ‌న మూడో క‌న్నుకు ఉంటుంది. క‌నుక అలాంటి శ‌క్తివంతున్ని నేరుగా ద‌ర్శించుకోరాదు. ముందుగా నంది కొమ్ముల నుంచి చూసి లింగ ద‌ర్శ‌నం చేసుకున్నాకే ఆల‌యం లోప‌లికి వెళ్లి లింగాన్ని చూడాలి. అంతే కానీ నేరుగా శివాల‌యం గ‌ర్భ‌గుడిలోకి వెళ్లరాదు. వెళితే అరిష్టం చుట్టుకుంటుంద‌ని పురాణాలు చెబుతున్నాయి.

క‌నుక శివాల‌యంలో ముందుగా శివున్ని నంది కొమ్ముల నుంచి చూసి ద‌ర్శించుకున్నాకే గ‌ర్భ‌గుడిలోకి వెళ్లి ద‌ర్శ‌నం చేసుకోవాలి. ఇక నంది కొమ్ముల నుంచి శివ‌లింగాన్ని చూస్తూ ద‌ర్శ‌నం చేసుకునేట‌ప్పుడు.. నంది వీపుపై నిమురుతూ మ‌న కుడి చేతితో నంది చెవి మూయాలి. అనంత‌రం మ‌న మ‌న‌స్సులో ఉన్న కోరిక‌ల‌తోపాటు మ‌న పేరు, మ‌న కుటుంబ స‌భ్యుల పేర్లు, గోత్రాలు చెప్పాలి. అలా చెబుతూ.. నంది కొమ్ముల నుంచి చూస్తూ.. శివ‌లింగాన్ని ద‌ర్శించుకోవాలి. ఇలా చేస్తే కోరిన కోరిక‌లు నెర‌వేరుతాయ‌ని పురాణాలు చెబుతున్నాయి. అలాగే భ‌క్తుల‌కు కైలాస ప్రాప్తి క‌లుగుతుంద‌ట‌. మ‌రుస‌టి జ‌న్మ కూడా ఉండ‌ద‌ని పండితులు చెబుతున్నారు. క‌నుక శివాలయంలో శివున్ని ద‌ర్శించుకునేట‌ప్పుడు ముందు తెలిపిన విధంగా చేస్తే మంచిది. అన్ని విధాలుగా మేలు జ‌రుగుతుంది.