సినీ ఇండ‌స్ట్రీలో ఓ వెలుగు వెలిగిన కొంద‌రు న‌టీన‌టుల జీవితాలు ప్రస్తుతం ద‌య‌నీయంగా మారాయి. పూట గ‌డ‌వ‌లేని స్థితిలో వారు ఉన్నారు. వందల సినిమాలు చేసి కూడా చివరికి తిండిలేక రోడ్డున ప‌డాల్సిన పరిస్థితి వ‌చ్చింది. వారి ధీన‌గాథ ప్రేక్ష‌కుల‌ని ఎంత‌గానో క‌లిచి వేస్తుంది. ఇప్ప‌టికే చాలామంది సీనియర్ నటులను దీనస్థితిలో చూశాం. అదే వరుసలో ఇప్పుడు సీనియర్ నటి పాకీజా అలియాస్ వాసుకి ఉంది. 1980-90 స‌మ‌యంలో ఈమె గురించి ప్రేక్షకులకు పరిచయం అక్కర్లేదు. తమిళ, తెలుగు ఇండస్ట్రీలలో ఎన్నో వందల సినిమాలు.. ఎంతోమంది స్టార్ హీరోల సినిమాలలో గుర్తింపు తెచ్చిన క్యారెక్టర్స్ పోషించిన పాకీజా ఇప్పుడు దీనస్థితిలో ఉంద‌ట.
చేసిన సినిమాల ద్వారా సంపాదించిన మొత్తాన్ని పోగొట్టుకుని తనకంటూ ఏమి లేకుండా చేసుకుంది. తెలుగులో అసెంబ్లీ రౌడీ మూవీలో వేసిన పాకీజా రోల్ ఆమెకి మంచి పేరు తెచ్చిపెట్టింది. ఆ తర్వాత పెదరాయుడు, రౌడీ ఇన్స్పెక్టర్ లాంటి చాలా సినిమాలలో నటించిన పాకీజా.. అందరి స్టార్స్ సినిమాలు చేసి తెలుగులోనే దాదాపు 50 సినిమాలు చేసిందట రీసెంట్ గా ఓ వీధిలో నడుచుకుంటూ వెళ్తున్న పాకీజా.. తన లైఫ్ లో జరిగిన విశేషాలను, తనకు ఇంతటి దుస్థితి రావడానికి కారణాలు చెప్పింది. తెలుగులో 50 సినిమాలు చేశాను.
సీనియర్ ఎన్టీఆర్, ఏఎన్నార్, బాలయ్య, మోహన్ బాబు.. ఇలా అప్పట్లో స్టార్స్ అందరితో సినిమాలు చేశాను. సినిమాలు ఆపేశాక నా సొంతవూరు కారైకుడికి వెళ్ళిపోయా. నాకు తెలుగులో బెస్ట్ ఫ్రెండ్ అంటే జయలలిత. కొన్నాళ్లుగా ఆర్థిక పరిస్థితి బాలేదు. 150 సినిమాలు చేసినా చెన్నైలో సొంత ఇల్లు కట్టుకోలేకపోయాను. హెల్ప్ కోసం తమిళ నడిగర్ సంఘంతో పాటు అందరు హీరోలను సంప్రదించాను. ఆఖరికి సీఎం కుమారుడు ఉదయనిధి స్టాలిన్ కి కూడా నా పరిస్థితి వివరించాను. అయిన‌ప్ప‌టికీ ఎవరూ నాకు హెల్ప్ చేయలేదు. ప్రస్తుతం హాస్టల్ లో ఉంటూ జీవనం సాగిస్తున్నాను. ఎవరైనా హెల్ప్ చేస్తారేమో అని వెయిట్ చేస్తున్నాను’ అని ఎమోష‌న‌ల్ అవుతూ చెప్పుకొచ్చింది.
