సోష‌ల్ మీడియా అందుబాటులోకి వ‌చ్చిన‌ప్ప‌టి నుండి సెల‌బ్రిటీల‌కు సంబంధించిన అన్ని విష‌యాలు ఇట్టే తెలిసిపోతున్నాయి. వారి చిన్న‌నాటి విష‌యాలు కూడా బ‌య‌ట‌ప‌డుతున్నాయి. తాజాగా యువ హీరోయిన్ లావణ్య త్రిపాఠి చిన్నప్పటి ఫొటో ఒక‌టి సోష‌ల్ మీడియాలో తెగ హ‌ల్‌చ‌ల్ చేస్తుంది. ఇందులో లావణ్య బింద ప‌ట్టుకొని క్యూట్ లుక్స్ లో క‌నిపిస్తూ అంద‌రి మ‌న‌సులు కొల్ల‌గొట్టింది. లావణ్య చిన్నప్పటి ఫొటోలు చూసి ఆమె అభిమానులు థ్రిల్ అవుతున్నారు.
అందాల రాక్షసి సినిమాతో సిల్వ‌ర్ స్క్రీన్‌పై మెరిసింది యూపీ బ్యూటీ లావణ్య త్రిపాఠి . రీసెంట్‌గా లీడ్ రోల్‌లో హ్యాపీ బ‌ర్త్ డే సినిమాతో అంద‌రినీ ప‌లుక‌రించింది. అయితే ఈ సినిమా ఆశించిన స్థాయిలో అంచ‌నాలు అందుకోలేక‌పోయింది. ఈ భామ ఎలాగైనా మంచి హిట్టు కొట్టాల‌నే క‌సితో ఉంది కాని అందుకు త‌గ్గ అవ‌కాశాలు అయితే రావ‌డం లేదు. ఇక ఇటీవ‌ల ఈ అమ్మ‌డి పెళ్లికి సంబంధించి అనేక వార్తలు సోష‌ల్ మీడియాలో హ‌ల్‌చ‌ల్ చేసిన విష‌యం తెల‌సిందే. అంతరిక్షం, మిస్టర్ చిత్రాల్లో మెగా హీరో వరుణ్ తేజ్‌తో కలిసి నటించింది లావణ్య. దీంతో వీరిద్దరు ప్రేమలో ఉన్నారని, త్వరలో పెళ్లి చేసుకోనున్నారన్న వార్తలు నెట్టింట్లో హల్ చల్ చేసాయి.
ఆ మ‌ధ్య ఈ పుకార్ల‌పై లావణ్య స్పందించింది. వరుణ్ తేజ్‌తో పెళ్లి అని రాసేస్తున్నారు.. నా పెళ్లి గురించి నాక్కూడా తెలియదు..నా కంటే మీకే ఎక్కువగా తెలిసినట్లుంది అని పేర్కొంది. అందాల రాక్షసి సినిమా ద్వారా తెలుగు ప్రేక్షకులకు మరింత దగ్గరయిన లావణ్య ఈ సినిమా తర్వాత తిరుగులేని ఫాలోయింగ్ సొంతం చేసుకుంది. దాని తర్వాత చేసిన సినిమాలతో కూడా ఈమెకు మంచి గుర్తింపు లభించిందని చెప్పవచ్చు. కానీ ఆ గుర్తింపును ఎక్కువ కాలం కొనసాగించలేకపోయింది. ఒక యావరేజ్ హీరోయిన్ ని మించి ఆమెకు పేరు వచ్చింది. ఇంకొంచెం కష్టపడితే తప్పకుండా స్టార్ హీరోయిన్ అయ్యేది. కానీ ఆమె అలా చేయలేదు.. వ‌చ్చిన‌వ‌న్నీ ఓకే చెప్ప‌డంతో గ్రాఫ్ పూర్తిగా ప‌డిపోయింది.
