Ginna Movie Review : మంచు మోహ‌న్ బాబు న‌ట వార‌సుడు మంచు విష్ణు ఇటీవ‌లి కాలంలో స‌రైన స‌క్సెస్‌లు పొంద‌డం లేదు. మొనగాళ్లు లాంటి డిజాస్టర్ సినిమా తర్వాత జిన్నా అనే మూవీ తో భారీ అంచనాల మధ్య మన ముందుకు వచ్చారు. మూవీ ట్రైలర్ మరియు ప్రచార కార్యక్రమాలు మనలో మరింత ఆసక్తిని పెంచాయి. ఎట్టకేలకు ఈ సినిమా అక్టోబర్ 21 న విడుదల కాగా, ఈ సినిమా ఎలా ఉందో చూద్దాం.
క‌థ..
జిన్నా పూర్తి పేరు.. గాలి నాగేశ్వరరావు. ఆయ‌న‌ని పూర్తి పేరుతో ఎవరైనా పిలిస్తే కోపం వస్తుంది. అందుకే షార్ట్ కట్ లో ‘జిన్నా’ అంటూ పిలవాలనీ అంటుంటాడు. జిన్నాకు స్కూల్ టైమ్‌లో రేణుక (సన్ని లియోన్), స్వాతి (పాయల్ రాజ్ పుత్ )లతో మంచి స్నేహం ఉంటుంది. జిన్నాకు ఊరి నిండా అప్పులే.. స్వాతి అతనికి సాయం చేస్తుంటుంది. అయినా ఆ అప్పుల నుండి బయట పడలేక ఇబ్బందులు ప‌డుతుంటాడు. ఇక ఈ సమయంలో జిన్నా చిన్ననాటి ఫ్రెండ్ రేణుక ఇండియాకు తిరిగి వస్తుంది. ఆమెను పెళ్ళి చేసుకోవడానికీ రెడీ అవుతాడు. ఆ తర్వాత క‌థ ఎటు వెళుతుంది అనేది సినిమా చూస్తే తెలుస్తుంది.
ప‌ర్‌ఫార్మెన్స్..
జిన్నాగా మంచు విష్ణు కామెడీ సన్నివేశాల్లో చాలా బాగా నటించారు. ఢీ సినిమా ను గుర్తు చేశారు. విష్ణు డ్యాన్సులు చాలా బాగున్నాయి. పాయల్ రాజ్ పుత్ పాత్రకు పెద్దగా ప్రాధాన్యత లేదు. సన్నీలియోన్ విషయానికి వస్తే తన గ్లామర్‌తో మరోసారి వావ్ అనిపించింది. చెప్పాలంటే తనదే సినిమాలో హైలెట్ పాత్ర. ఇక మిగతా పాత్రల్లో నటించిన వెన్నెలకిషోర్, సద్దాం, చంద్ర, నరేష్ కామెడీని తమదైన శైలిలో పండించే ప్రయత్నం చేశారు. ముఖ్యంగా వెన్నెల కిషోర్, చమ్మక్ చంద్ర కోసం రాసిన డైలాగ్స్ ఫన్నీగా ఉన్నాయి.
ప్రముఖ దర్శకుడు జి. నాగేశ్వరరెడ్డి తనదైన శైలిలో వినోదాన్ని బాగానే అందించాడు. కోన వెంకట్ స్క్రీన్ ప్లే కూడా పరవాలేదనిపిస్తుంది. ఇక ఫస్టాఫ్ కంటే సెకాండ్ మరింత ఆకట్టుకుంటుంది. అనూప్ రూబెన్స్ సంగీతం బాగుంది
ఫైన‌ల్‌గా.. ఈ సినిమా ఫస్ట్ హాఫ్ కాస్త స్లో గా సాగినా, సెకండ్ హాఫ్ మరింత స్పీడ్ తో ఆడియెన్స్ ను అలరిస్తుంది. కామెడీ ఎంటర్టైనర్ లని ఇష్టపడే వారు ఈ చిత్రాన్ని ఒకసారి చూడవచ్చు.ఇందులో మంచు విష్ణు నటన..సన్నీలియోన్ క్యారెక్టర్.. ప్ల‌స్ పాయింట్స్ గా చెప్ప‌వ‌చ్చు. : రొటీన్ స్క్రీన్ ప్లే, పేలవమైన ప్రదర్శనలు మైన‌స్ పాయింట్స్.
