Mamilla Shailaja Priya : సినిమాలు, సీరియ‌ల్స్‌లో న‌టించినా కూడా రాని గుర్తింపు బిగ్ బాస్ షోతో వ‌చ్చేస్తుంది. ఈ క్ర‌మంలోనే చాలా మంది బిగ్ బాస్ షోలో పాల్గొనేందుకు ఆస‌క్తి చూపుతున్నారు. టాలీవుడ్ లో క్యారెక్టర్ ఆర్టిస్ట్ గా పేరు తెచ్చుకున్న శైలజ ప్రియ బిగ్ బాస్ హౌజ్‌లో అడుగుపెట్టి తెగ సంద‌డి చేసిన విష‌యం తెలిసిందే. ఈ షోకి రాక‌ముందు శైలజ ప్రియ చాలా సినిమాల‌లో న‌టించింది. అందం, అభినయం ఉండి కూడా అనుకున్న స్థాయిలో ఎదగలేక‌పోయింది. నటిగా శైలజ కెరీర్ 90లలోనే మొదలైంది. జగపతిబాబు, సౌందర్య కాంబినేషన్ లో తెరకెక్కిన దొంగాట.. శైలజ ప్రియ మొదటి చిత్రం.
హీరోయిన్ పీస్ అయినా కూడా ఎక్కువ‌గా స‌పోర్టింగ్ పాత్రలు పోషించింది. సౌందర్య, రమ్య కృష్ణ వంటి స్టార్ హీరోయిన్స్ కి స్నేహితురాలు పాత్రలు పోషించింది. అయితే ఈ అమ్మ‌డు త‌న భ‌ర్త నుండి విడిపోయి సోలోగా ఉంటుంది. ఇద్దరి మధ్య మనస్పర్ధలు రావడంతో విడిపోయారట. బిగ్ బాస్ హౌజ్‌లో ఈ విష‌యం తెలియ‌జేసిన ప్రియ.. ఒక్క నిర్ణయం వంద సంవత్సరాల కష్టాన్ని మరిచిపోయేలా చేస్తుందని.. ఆ నిర్ణయం కోసం 18 సంవత్సరాలుగా ఒక మగువ చేసిన అన్వేషణను ఏ విధంగా వర్ణించగలం అంటూ ప్రశ్నించింది.
క‌ట్టుకొనే వాడితో క‌లిసి ఉండాల‌నే ఆశ ఉన్నా కూడా కొన్ని కార‌ణాల వ‌ల‌న ఉండ‌లేక పోవ‌డం జ‌రుగుతుంది. ప్ర‌తి సారి అమ్మాయి బాట పూల బాట కాదు. అమ్మాయి కోరుకొన్న జీవితాన్ని చేరుకోవడానికి అన్నిసార్లు సాధ్యపడకపోతే ఊహించని ఓదార్పు అవసరం అంటూ త‌న జీవితానికి సంబంధించి కొన్ని కీల‌క వ్యాఖ్య‌లు చేసింది. 2002 లో కిషోర్ అనే వ్యక్తితో ఈమె పెళ్లి జ‌ర‌గ‌గా, 2003 లో కొడుకు పుట్టాడు. విడిపోయిన ద‌గ్గ‌ర నుండి ప్రియ వద్దే కొడుకు ఉంటున్నాడు.
