Sri Reddy : ఒక‌ప్పుడు క్యాస్టింగ్ కౌచ్‌తో నానా ర‌చ్చ చేసిన శ్రీరెడ్డి ఇప్పుడు ర‌కర‌కాల వంట‌కాలు చేయ‌డంలో ఎక్స్‌ప‌ర్ట్ అయింది. యూట్యూబ్‌లో ర‌కర‌కాల వంట‌కాలు చేస్తూ తెగ నోరూరిస్తుంది. శ్రీరెడ్డి వంట‌కాల వీడియో షేర్ చేసింది అంటే అది కొద్ది క్ష‌ణాల‌లో వైరల్ అవుతుంటుంది. ఇక ఈ అమ్మ‌డు వంట‌కాల వీడియోతో కూడా బాగానే సంపాదిస్తున్న‌ట్టు తెలుస్తుంది. ఇప్పటికీ చాలా వీడియోలు పంచుకోగా అవి నెటిజెన్లకు బాగా కనెక్ట్ అయ్యాయి. కొన్ని వీడియోల‌లో ఆమె మాట్లాడిన మాటలు మాత్రం బాగా పేలాయి.
వంటలు వండుతూ మ‌ధ్య‌లో నీతులు కూడా చెబుతూ అంద‌రి దృష్టిని ఆకర్షిస్తుంది. తాజాగా శ్రీరెడ్డి కాస్ట్‌లీ పుల‌స చేప‌ని కొనుగోలు చేసింది. ఇది రూ.10వేల‌కి కొన్న శ్రీరెడ్డి స్వ‌యంగా ముక్క‌లు క‌ట్ చేసి కూర వండింది. అది ఎలా వండాలో కూడా చేసి చూపించింది. మ‌ధ్య మ‌ధ్య‌లో కొన్ని విష‌యాలు చెప్పుకొస్తూ మ‌రోవైపు అందాలు ఆర‌బోస్తూ నానా ర‌చ్చ చేసింది. మొత్తానికి శ్రీరెడ్డి పుల‌స చేప కూర‌కి సంబంధించిన వీడియో బ‌య‌ట‌పెట్ట‌గా ఇది నెట్టింట వైరల్ అవుతుంది.
శ్రీరెడ్డి అప్ప‌ట్లో కాస్టింగ్ కౌచ్ అంటూ చేసిన ర‌చ్చ‌తో నేష‌న‌ల్ మీడియాలో సైతం హాట్ టాపిక్ గా మారింది. ఇక అప్ప‌టి నుండి శ్రీరెడ్డిని టాలీవుడ్ వెలేసింది. దాంతో చెన్నైకి మ‌కాం మార్చి అక్క‌డే వెబ్ సిరీస్ లు సినిమా అవ‌కాశాల‌కోసం ప్ర‌య‌త్నాలు చేస్తోంది. మ‌రో వైపు సినిమాలు రాజ‌కీయాలు, సామాజిక అంశాలు ఇలా ఏ టాపిక్ నూ వ‌ద‌ల‌కుండా త‌నదైన స్టైల్ లో స్పందిస్తూ ఉంటుంది. అప్పుడ‌ప్పుడు రాజ‌కీయాల‌పై కూడా సోష‌ల్ మీడియాలో స్పందిస్తూనే ఉంటుంది.
