Ravi Krishna : సాయిధ‌ర‌మ్ తేజ్ లేటెస్ట్ చిత్రం విరూపాక్ష అతి పెద్ద విజయం సాధించిన విష‌యం తెలిసిందే. ఈ సినిమా హిట్‌తో మూవీలోని నటించిన వారంద‌రు లైమ్ లైట్‌లోకి వ‌చ్చేసారు. ముఖ్యంగా సీరియల్ న‌టుడు, బిగ్ బాస్ ఫేమ్ రవికృష్ణ మంచి పేరు తెచ్చుకున్నాడు. బుల్లి తెర స్టార్ హీరో రవి కృష్ణ మొగిలి రేకులు అనే సీరియల్లో న‌టించాడు. ఈ సీరియల్ మంచి విజయం సాధించడం తో అతడికి అనేక సీరియల్స్ లో నటించే అవకాశం లభించింది.ఏళ్లకు ఏళ్ళు సాగదీసి ఎన్నో సీరియల్స్ లో నటించిన రాని గుర్తింపు మాత్రం అతడికి మొట్ట మొదటి సారి బిగ్ బాస్ రూపం లో వచ్చింది.
బిగ్ బాస్ లోకి వెళ్లాక మంచి అబ్బాయి అని పేరు తెచ్చుకున్న సాయి ధ‌ర‌మ్ తేజ్ బ‌య‌ట‌కు వ‌చ్చాక మ‌ళ్లీ సీరియల్స్ చేస్తూ అలా గ‌డిపేస్తున్నాడు అదే సమయంలో విరూపాక్ష ఆఫ‌ర్ వచ్చింది. విరూపాక్ష సినిమా లో రవి కృష్ణ కు చక్కని పాత్ర దొరికింది.అతడు కనిపించిన సన్నివేశాల్లో గుండె జారిపోయినంత పని అయ్యింది.ముఖ్యంగా రైల్వే స్టేషన్ సీన్స్ లో అయితే నిజంగా అందరిని బయపెట్టేసాడు.తాంత్రిక విద్య అభ్యసించే వ్యక్తిగా, సిన్సీయర్‌ లవర్‌ పాత్రలో అద్భుతమైన నటన కనబరిచాడు. ఇక తాంత్రిక విద్యను ప్రయోగించే సమయంలో రవి కృష్ణ నటన పీక్స్ లో ఉంద‌ని చెప్పాలి. దీంతో అతడికి మంచి ఆఫ‌ర్స్ వ‌స్తాయ‌ని అంటున్నారు.
విజేత/విజయం సీరియల్‌తో తన కెరీర్‌ ప్రారంభించిన రవికృష్ణ… ఆ తర్వాత బొమ్మరిల్లు అనే సీరియల్లో హీరో రీప్లేస్‌మెంట్‌లో భాగంగా.. రవికృష్ణను ఆ స్థానంలో తీసుకున్నారు. ఆ తర్వాత టెలివిజన్‌ చరిత్రలో సంచలనం సృష్టించిన మొగలి రేకులు సీరియల్ రవి కృష్ణ కెరీర్‌ను మలుపు తిప్పింది. బిగ్ బాస్ తర్వాత ర‌వికి అవకాశాలు పెరుగుతాయి అనుకుంటే.. అందుకు రివర్స్‌లో జరిగింది. దీంతో రవికృష్ణ కెరీర్‌ డైలమాలో పడింది. ఏం చేయాలో అర్థం కానీ పరిస్థితుల్లో.. విరూపాక్ష అవకాశం రవికృష్ణ కెరీర్‌ను నిలబెట్టింది. ఇన్నాళ్లు తాను ఎదుర్కొన్న అవమానాలు, బాధలు, కష్టాలకు విరూపాక్ష విజయంతో సమాధానం ఇచ్చాడ‌నే చెప్పాలి.
