Samantha : టాలీవుడ్ స్టార్ హీరోయిన్ సమంత ఇటీవల ప‌లు వివాదాలు, సినిమాలు, ఆరోగ్య స‌మ‌స్య‌ల‌తో తెగ వార్త‌ల‌లో నిలుస్తుంది. కొన్నాళ్లుగా మయోసైటిస్ తో బాధపడుతున్న సమంత 2022 అక్టోబర్ నెలలోత‌న హెల్త్ ప్రాబ్లమ్ బయటపెట్టారు. ఈ విష‌యం తెలిసి అంద‌రు షాక్ అయ్యరు. అయితే అనారోగ్యం వ‌ల‌న యశోద చిత్రానికి ఇంట్లోనే ఉండి డబ్బింగ్ చెప్పారు. ప్రమోషన్స్ లో పాల్గొనలేదు. కేవలం ఒక ఇంటర్వ్యూ ఇచ్చారు. దాదాపు నాలుగు నెలలు సమంత బయట కనిపించని సమంత ఇప్పుడిప్ప‌డే మ‌ళ్లీ బయట క‌నిపిస్తుంది.
రీసెంట్‌గా శాకుంతలం సినిమా ప్రమోషన్స్ లో యాక్టివ్ గా క‌నిపించింది.ఇక సిటాడెల్, ఖుషి ప్రాజెక్ట్స్ పూర్తి చేస్తున్నారు. అయితే శాకుంతలం చిత్ర ప్ర‌మోష‌న్‌లో తాను అలసట, నీరసంతో బాధపడుతున్నట్లు చెప్పారు. కళ్ళు కాంతిని చూడలేకపోతున్నాయని అందుకే గ్లాసెస్ పెట్టుకుంటున్నట్లు వెల్లడించారు. ఈ నేపథ్యంలో అభిమానులు కాస్త ఆందోళ‌న చెందుతుండ‌గా, సమంత సడన్ గా ఆక్సిజన్ మాస్క్ తో కనిపించడం షాక్ ఇచ్చింది. ఆమెకు ఏమైందనే సందేహాలు వ్యక్తం చేశారు. ఆమె నెక్స్ట్ ఫోటో చూశాక అంద‌రికి ఓ క్లారిటీ వ‌చ్చింది.
సమంత ఆ మాస్క్ పెట్టుకుంది హైపర్బేరిక్ థెరపీ కోస‌మ‌ని, దాని వ‌ల‌న కండరాల వాపు, ఇన్ఫెక్షన్స్ నుండి కాపాడుతుందని చెప్పుకొచ్చింది. పాడైన కండరాలను బాగుచేస్తుందని సమంత వెల్లడించారు. మయోసైటిస్ సోకిన నేపథ్యంలో సమంత హైపర్బేరిక్ థెరఫీ తీసుకుంటున్నారని అభిమానులు భావించి ఊపిరి పీల్చుకున్నారు. ఒక‌ప్పుడు ఎంతో సంతోషంగా ఉన్న స‌మంత‌కి ఇటీవల ఇన్ని స‌మ‌స్య‌లు వ‌స్తుండ‌డంతో ఆమెకి చాలా ఇబ్బందిగా మారుతుంది. ఇక సమంత లేటెస్ట్ మూవీ శాకుంతలం ప్లాప్ అయ్యింది. ప్రస్తుతం సిటాడెల్, ఖుషి చిత్రాల షూటింగ్స్ పూర్తి చేసే పనిలో ఉంది. ఖుషీ సెప్టెంబర్ 1న విడుదల కానుంది.
