Shreshta : గ‌త కొంత కాలంగా మెగా, మంచు ఫ్యామిలీ మ‌ధ్య కోల్డ్ వార్ న‌డుస్తుంద‌న్న ప్ర‌చారం న‌డుస్తుండ‌డం మనం చూస్తూనే ఉన్నాం. అయితే జ‌నాల‌లో దీనిపై పూర్తి క్లారిటీ రావ‌డం లేదు. తాజాగా చైల్డ్ ఆర్టిస్ట్ గా పదుల సంఖ్యలో సినిమాల్లో నటించి మంచి పేరు సంపాదించుకున్న శ్రేష్ట ఒక యూట్యూబ్ ఛానల్ కు ఇచ్చిన ఇంటర్వ్యూలో మాట్లాడుతూ మోహన్ బాబు గురించి షాకింగ్ కామెంట్స్ చేసింది. ఇంటర్వ్యూలో మాట్లాడుతూ.. బయోటెక్ ఫార్మ్ పెట్టడమే నా జీవిత ఆశయమని కానీ అది పెట్టడం అంత సులువైన పని కాదని చెప్పుకొచ్చింది.
ఇక త‌న ఇన్స్పిరేషన్ ఎవరనే ప్రశ్న ఎదురైతే ఎప్పటికీ చిరంజీవి అని చెబుతానని సమాధానం ఇచ్చారు. చిరంజీవి గారు చారిటీ లు చాలా చేస్తారని, అమ్మాయిగా నేను ఛాలెంజెస్ ఫేస్ చేశానని శ్రేష్ట పేర్కొన్నారు.అయితే నేను మేజర్ చంద్రకాంత్ సినిమా షూటింగ్ చేస్తున్న సమయంలో జర్నలిస్టు ప్రభు నా ఇంటర్వ్యూ తీసుకొని చిరంజీవి నా ఫేవరెట్ హీరో అని హెడ్డింగ్ పెట్టారని తెలియజేశారు. ఆ మరునాడు అదే హెడ్డింగ్ తో వచ్చిన పేపర్ ను చూసిన మోహన్ బాబు నా సినిమాల్లో చేస్తూ చిరంజీవి నా ఫేవరెట్ హీరో అని చెబుతావా అంటూ ఒక్క‌సారిగా ఆ పేపర్ ను నేలకేసి కొట్టారని తెలిపింది. ఆ తర్వాత కాసేపటికి నవ్వుకుంటూ నా దగ్గరికి వచ్చారని శ్రేష్ట కామెంట్ చేసింది.
అయితే ఇప్పటికీ చిరంజీవి నా ఫేవరెట్ హీరో అని తెలియజేసింది శ్రేష్ట. అయితే చిరంజీవి, మోహన్ బాబు విష‌యానికి వ‌స్తే ఇద్ద‌రి మ‌ధ్య కోల్డ్ వార్ న‌డుస్తుంద‌ని బ‌య‌ట టాక్ న‌డుస్తున్నా కూడా వీరిద్ద‌రు ఒక‌రికొక‌రు ఎదురు ప‌డితే మాత్రం చాల ప్రేమ‌గా, ఆప్యాయంగా పల‌క‌రించుకుంటారు. మోహన్ బాబు ప్ర‌స్తుతం సినిమాల‌తో పెద్ద‌గా అల‌రించేల‌క‌పోతుండ‌గా, చిరంజీవి మాత్రం వ‌రుస సినిమాలు చేస్తూ దూసుకుపోతున్నారు. ఆయ‌న న‌టించిన వాల్తేరు వీరయ్య రీసెంట్‌గా విడుద‌లై హిట్ కాగా, ఇప్పుడు భోళా శంక‌ర్ విడుద‌ల‌కి సిద్దంగా ఉంది.
