వాల్తేరు వీర‌య్య‌కు అదొక్క‌టే మైన‌స్‌గా మారిందా..?

మెగాస్టార్ చిరంజీవి, స్టార్ హీరోయిన్ శృతి హాస‌న్, మాస్ మ‌హ‌రాజా ప్ర‌ధాన పాత్ర‌ల‌లో బాబీ తెర‌కెక్కించిన చిత్రం వాల్తేరు వీర‌య్య . ఈ సినిమాకి దేవిశ్రీప్రసాద్ సంగీతాన్ని సమకూర్చాడు. ఈ నెల 13వ తేదీన ఈ సినిమా థియేటర్లకు వచ్చిన ఈ సినిమా తొలిరోజునే భారీ ఓపెనింగ్స్ తో ఈ సినిమా తన ప్రయాణాన్ని మొదలెట్టింది. ప్రపంచవ్యాప్తంగా తొలి 3 రోజుల్లోనే ఈ సినిమా 100 కోట్ల క్లబ్ లోకి చేరిపోయిన ఈ చిత్రం 3 రోజుల్లోనే 108 కోట్లను రాబట్ట‌డం జ‌రిగింది. ఈ కథకి చిరంజీవితో పాటు రవితేజ కూడా తోడవడంతో, సెకండాఫ్ నుంచి ఎమోషన్ ను కూడా తోడుచేసుకుని నడుస్తుంది. ఇక దేవిశ్రీ పాటలు ఈ సినిమాకి అదనపు బలాన్ని ఇచ్చాయి.

ప్రస్తుతం వాల్తేరు వీర‌య్య మూవీ అనేక ప్రాంతాల్లో భారీ స్థాయిలో కలెక్షన్ తో దూసుకెళుతోంది. అటు యుఎస్ఏ లో వాల్తేరు వీరయ్య 2 మిలియన్ డాలర్స్ కి చేరువయింది. మొత్తంగా దీనిని బట్టి చూస్తుంటే రాబోయే మరికొద్దిరోజుల పాటు బాక్సాఫీస్ వద్ద వాల్తేరు వీరయ్య ప్రభంజనం ఖాయం అని తెలుస్తుంది. అయితే కథలో కొత్తదనం లేకపోయినా.. ఫ్యాన్స్ కి కావాల్సిన ఎలిమెంట్స్, స్క్రీన్ ప్లే, సాంగ్స్ తో మ్యాజిక్ చేసిన‌ట్టు తెలుస్తుంది. సెకండాఫ్ లో డబ్బింగ్ లో ఫాల్ట్ ఉందా లేక మరెక్కడైనా లోపం జరిగిందనేది తెలియదు. కానీ.. డైలాగ్స్, మ్యూజిక్ సరిగ్గా అర్థం కాలేదని కామెంట్స్ వినిపిస్తున్నాయి.

డబ్బింగ్ లోపాలను సరిచేసి.. లైవ్ డబ్బింగ్ వాయిస్ లను మార్చేస్తే సినిమాపై నెగిటివ్ ఎఫెక్ట్ పడకుండా ఉంటుందని కొంద‌రు అంటున్నారు. వాల్తేరు వీరయ్య మూవీ సెకండాఫ్ లో డైలాగ్స్, పాటలు సరిగ్గా వినిపించకపోవడం అనేది సినిమా క‌లెక్ష‌న్స్ పై కూడా ఎఫెక్ట్ చూపిస్తుంద‌ని అంటున్నారు. అవి స‌రి చేస్తే వీర‌య్య దూకుడు మ‌రింత ఉంటుంద‌ని అంటున్నారు. సినిమాలో ప్రకాష్ రాజ్, బాబీ సింహా, మైమ్ గోపి, శ్రీనివాస రెడ్డి, సప్తగిరి, షకలక శంకర్, క్యాథరీన్ త్రెస్స తదితరులు ఇతర ముఖ్య పాత్రలు చేసారు.