Virat Kohli : ప్ర‌స్తుతం భారత్ , పాకిస్తాన్ మధ్య ప‌రిస్థితులు సానుకూలంగా లేవు. క్రికెట్ ప‌రంగా చూస్తే ఈ రెండు జ‌ట్లు కేవ‌లం ప్ర‌పంచ కప్ టోర్నీతో పాటు ఆసియా కప్ సిరీస్‌లోనే ఆడుతున్నాయి. ఇటీవ‌ల జ‌రిగిన ప్ర‌పంచ‌క‌ప్ టోర్నీలో భారత్ తన తొలి మ్యాచ్ పాకిస్తాన్‌తో ఆడి అద్భుత విజ‌యం అందుకున్న విష‌యం తెలిసిందే. ఇక వచ్చే ఏడాది పాకిస్తాన్ వేదిక‌గా ఆసియా కప్ జ‌ర‌గ‌నుండ‌గా, అక్క‌డ క్రికెట్ ఆడేందుకు భారత జట్టు పాకిస్థాన్ వెళ్లదు.. అని ఆసియా క్రికెట్ కౌన్సిల్ చైర్మన్ జైషా ధృవీకరించారు. 2023 ఆసియా కప్ తటస్థ వేదికలో జరుగుతుందని ప్రకటించారు.
మ‌రి ఇలాంటి ప‌రిస్థితుల‌ల‌లో కోహ్లీ పాకిస్తాన్‌లో ప్ర‌త్య‌క్షం కావ‌డ‌మేంట‌ని ఆశ్చ‌ర్య‌పోతున్నారా..పెద్ద‌గా టెన్ష‌న్ తీసుకోకండి. కోహ్లీ పాక్ వెళ్లింది ఇప్పుడు కాదు లేండి. చాల సంవ‌త్స‌రాల క్రితం. అప్ప‌టి వీడియో ఇప్పుడు ట్రెండింగ్ గా మారింది. పాక్ అభిమానుల మ‌న‌సులు దోచుకున్న ఒకే ఒక్క ఆటగాడు ఉన్నారంటే అది భారత దిగ్గజం విరాట్ కోహ్లినే. భారత మాజీ కెప్టెన్‌కు పాకిస్థాన్‌లో భారీ ఫ్యాన్ ఫాలోయింగ్ ఉంది. తరచుగా పాకిస్తాన్ అభిమానులు విరాట్ కోహ్లీకి శుభాకాంక్షలు తెలియ‌జేస్తూ బ్యానర్లతో పాకిస్తాన్ మ్యాచ్‌లలో కనిపిస్తారు. విరాట్ కోహ్లీ పాకిస్థాన్‌లో ఆడాలని అభిమానులు ఎంత‌గానో కోరుకుంటున్నారు. కాని రెండు దేశాల మధ్య రాజకీయం వ‌ల‌న అది కుద‌ర‌డం లేదు.
అయితే విరాట్ 2006లో అండ‌ర్ -19 జట్టుతో పాకిస్థాన్‌కు వెళ్లాడు. భారత్ పర్యటనలో ఆరు మ్యాచ్‌లు ఆడింది . అప్పుడు అన్ని గేమ్‌లు గెలిచింది. విరాట్ కోహ్లి టూర్‌కి సంబంధించిన పాత వీడియో ఇప్పుడు సోషల్ మీడియాలో వైరల్‌గా మారింది. వీడియోలో, విరాట్ కోహ్లీ షాపింగ్ చేస్తున్నాడు. తరువాత, అతను తన స్నేహితులతో కూర్చుని పానీయం తాగుతూ ఎంజాయ్ చేస్తున్నాడు. ఈ వీడియోలో చెతేశ్వర్ పుజారా, పీయూష్ చావ్లా కూడా ఉన్నారు.ఈ వీడియో ప్ర‌తి ఒక్క‌రిని ఎంత‌గానో ఆక‌ట్టుకుంటుంది.
https://twitter.com/GemsOfCricket/status/1592774945675046913
