Vijay Deverakonda : టాలీవుడ్‌లో క్రేజీ జంటగా పేరు తెచ్చుకున్నారు విజయ్ దేవరకొండ- రష్మిక. రష్మిక-విజయ్ దేవరకొండ ఎప్పటి నుంచో ప్రేమలో ఉన్నారని సోషల్ మీడియా నుంచి మెయిన్ స్ట్రీమ్ మీడియా వరకూ ఎన్నో ఏళ్లుగా వార్తలు వస్తూనే ఉన్నాయి. కానీ వీటిపై ఈ జంట ఇప్పటివరకూ క్లారిటీ ఇవ్వలేదు. పోనీ కాదని కూడా చెప్పలేదు. కానీ ఇలా అడిగిన ప్రతిసారి ముసిముసినవ్వులు నవ్వుతూ ఉంటారు. కానీ చాలా సార్లు వీళ్లిద్దరూ కలిసి వెకేషన్‌కి వెళ్లారని రుజువైంది. వీళ్లు సోషల్ మీడియాలో పెట్టే ఫొటోలను చూసి ఇద్దరూ ఒకే చోట ఉన్నారంటూ ఫ్యాన్స్ ప్రూఫ్స్‌తో సహా బయటపెట్టేవారు. ఎక్కడికి వెళ్లిన రహస్యంగా జంటగా వెళ్లినప్పటికీ వీరు పెట్టే పోస్టుల ద్వారానే వీరిద్దరూ ఒకే చోట ఉన్నారని స్పష్టంగా తెలుస్తుంది.
ఇప్పటికే ఎన్నో సార్లు వీరిద్దరూ దొరికిపోయారు తాజాగా మరోసారి వీరిద్దరూ కలిసి కల్కి సినిమా చూశారని తెలుస్తోంది.వీరిద్దరూ కల్కి సినిమా గురించి ఒకేసారి సోషల్ మీడియాలో పోస్టులు చేయడం పట్ల నేటిజన్స్ మరోసారి వీరి రిలేషన్ గురించి సందేహాలను వ్యక్తం చేస్తున్నారు.రష్మిక విజయ్ దేవరకొండ ఇద్దరు కలిసి కల్కి సినిమా చూశారని అందుకే ఇలా ఒకేసారి సోషల్ మీడియా వేదికగా స్పందించారంటూ కామెంట్లు చేస్తున్నారు. ఇదిలా ఉంటే మరికొన్ని రోజుల్లోనే విజయ్ దేవరకొండ హీరో గా రాహుల్ సాంకృత్యాయన్ దర్శకత్వం లో ఓ మూవీ స్టార్ట్ కాబోతున్న విషయం మన అందరికీ తెలిసిందే. ఈ సినిమా రాయలసీమ ప్రాంత నేపథ్యం లో రూపొందబోతుంది.
కొన్ని రోజుల క్రితమే ఈ మూవీ యూనిట్ రాయలసీమ యాస , భాష తెలిసిన నటీనటులు కావాలి అని ప్రకటన కూడా విడుదల చేసింది. ఇది ఇలా ఉంటే ఈ మూవీ లో విజయ్ దేవరకొండ సరసన రష్మిక మందన హీరోయిన్గా నటించబోతున్నట్లు తెలుస్తోంది. దానితో ఈమె పాత్ర కూడా రాయలసీమ యాసలోనే మాట్లాడబోతున్నట్లు సమాచారం. ఈ భాషలో మాట్లాడడం కోసం రష్మీక ఇప్పటికే ప్రత్యేక కసరత్తు కూడా చేస్తున్నట్లు తెలుస్తోంది. పుష్ప‌లో రష్మిక రాయలసీమ స్లాంగ్‌లో అద‌ర‌గొట్ట‌గా ఇప్పుడుఈ చిత్రంలోను త‌న స్లాంగ్‌తో సంద‌డి చేయ‌బోతున్న‌ట్టు తెలుస్తుంది. ఇక ఇది ఇలా ఉంటే గతంలోనే విజయ్ దేవరకొండ , రష్మిక కాంబినేషన్లో గీత గోవిందం , డియర్ కామ్రేడ్ అనే రెండు సినిమాలు వచ్చాయి. ఇందులో గీత గోవిందం సూపర్ సక్సెస్ సాధించగా , డియర్ కామ్రేడ్ బాక్స్ ఆఫీస్ దగ్గర ప్రేక్షకులను పెద్దగా ఆకట్టుకోలేదు. ఇక విజయ్ దేవరకొండ , రాహుల్ కాంబోలో ఇది వరకు టాక్సీవాలా అనే మూవీ రూపొంది మంచి విజయం అందుకుంది.
