Venkatesh : ఫ్యామిలీ హీరోల‌లో ఒక‌రిగా మంచి పేరు ప్ర‌ఖ్యాత‌లు తెచ్చుకున్నారు విక్టరీ వెంకటేష్. ఇటీవ‌ల మ‌ల్టీ స్టార‌ర్ చిత్రాలు చేస్తున్న వెంకటేష్ ఈ సారి త‌న అన్న కొడుకు రానాతో క‌లిసి రానా నాయుడు అనే వెబ్ సిరీస్ చుశారు. మార్చి 10వ తేదీన ప్రేక్షకుల ముందుకు రానున్నది. ఈ నేపథ్యంలో ప్రమోషన్‌లో భాగంగా రానా నాయుడు ట్రైలర్‌ను రిలీజ్ చేశారు. నెట్‌ఫ్లిక్స్ ఇండియాలో స్ట్రీమింగ్ కాబోతున్న ఈ సిరీస్‌లో రానా, వెంకటేష్ తొలిసారి నటిస్తుండటంతో భారీగా క్రేజ్ కనిపిస్తున్నది. రానా నాయుడు బాలీవుడ్‌లో ఎలాంటి స్కాండల్‌నైనా సులభంగా పరిష్కరించే గ్యాంగ్‌స్టర్‌గా కనిపించనుండ‌గా, . నాగా నాయుడు పాత్రలో వెంకటేష్ అల‌రించ‌నున్నాడు.
తండ్రి కొడుకులుగా తెరమీద కూడా కనిపించేందుకు రెడీ అయ్యారు వెంకీ, కానా. తండ్రి, కొడుకుల మధ్య జరిగే ఎమోషనల్, రివేంజ్ డ్రామా అని ట్రైలర్ స్పష్టం చేసింది. నాగా నాయుడుగా వెంకటేష్ నేరానికి శిక్ష అనుభవించి చంచల్ గూడ జైలు నుంచి బయటకు వచ్చే నేరస్థుడిగా క‌నిపించ‌గా, ఇప్పుడే ఒకడిని వేసేసి వచ్చాను అని చెబుతాడు. నేను ఏది చేసినా ఫ్యామిలీ కోసమే చేశాను అంటూ నాగా నాయుడు చెప్పడం చూస్తే ఇది ఫ్యామిలీ ఎమోషనల్ డ్రామాగా కనిపించింది. నాగా నాయుడి ఇద్దరు పిల్లల తల్లి హత్యకు గురైందనే లీడ్‌ను ట్రైలర్‌లో ఇచ్చారు. ట్రైలర్‌లో నాగాను రానా చంపబోతుంటే.. నీవు పుట్టిన తర్వాత నేను ఐదేండ్లు ముడ్డి కడిగాను. అక్కడ నీకు ఎంత మగతనం ఉంటుందో.. ఎంత చెడు ఉంటుందో నాకు తెలుసు అంటూ వెంకీ చెప్పిన డైలాగ్స్ ట్రైలర్‌లో బాప్‌రే అనిపించాడు.
ట్రైల‌ర్‌లోనే ఇన్ని బూతులుంటే వెబ్ సిరీస్‌లో ఎన్ని ఉంటాయో అని అంద‌రు ఆశ్చ‌ర్య‌పోతున్నారు. అయితే తెలుగు ట్రైలర్ లో బూతులకు షార్ట్ కట్ వాడారు. ‘జి’ అని చెప్పారు. హిందీలో నేరుగా పెట్టేశారు.తెలుగు ఆడియన్స్ మరీ పచ్చి బూతులను అంగీకరించరు గనుక డోసు తగ్గించారు. బూతులకు, అశ్లీల సన్నివేశాలకు వెంకీ చిత్రాల్లో చోటు ఉండదు. యాక్షన్ సినిమాలు చేసినా.. అందులోనూ అసభ్యతకు చోటు లేకుండా చూసుకుంటాడు వెంకీ. అలాంటి హీరో ఇప్పుడు వెబ్ సిరీస్‌లోకి ఎంట్రీ ఇచ్చాక ఇంతలా రెచ్చిపోయాడేంద‌ని అంద‌రు ఆశ్చ‌ర్య‌పోతున్నారు. అస‌లు ఆ డైలాగులు చెప్పేటపుడు ఆయనెలా ఫీలయ్యాడో కానీ.. వెంకీ ఫ్యాన్స్‌కు మాత్రం ఏదోలా ఫీల‌వుతున్నారు.
