Venkatesh And Nagarjuna : బావ బావ మ‌రుదులు స‌ర‌దాగా ఎంజాయ్ చేశారుగా.. ఏం జ‌రిగింది అంటే..?

Venkatesh And Nagarjuna : దూత వెబ్ సిరీస్‌తో మంచి జోష్‌లో ఉన్న యువసామ్రాట్ నాగచైతన్య తాజాగా త‌న కొత్త చిత్రం తండేల్ మొద‌లు పెట్టాడు. సాయిపల్లవి హీరోహీరోయిన్లుగా నటిస్తున్న తండేల్ సినిమా ముహూర్తం వేడుక నేడు (డిసెంబర్ 9) గ్రాండ్‍గా జరిగింది. హీరోలు వెంకటేశ్, నాగార్జున ఈ కార్యక్రమానికి అతిథులుగా వచ్చారు. నాగ చైతన్య, సాయి పల్లవి కాంబోలో లవ్ స్టోరీ అనే బ్లాక్ బస్టర్ వచ్చింది. ఇక ఇప్పుడు తండేల్ అనే ఓ పాన్ ఇండియన్ మూవీ రెడీ కానుంది. తండేల్ ముహూర్తం వేడుకలో కెమెరా స్విచ్ఆన్ చేశారు నాగార్జున. ఫస్ట్ క్లాప్ కొట్టారు వెంకటేశ్. మూవీ స్క్రిప్ట్‌ను దర్శకుడు చందూ మొండేటికి నిర్మాత అల్లు అరవింద్ అందించారు.

తండేల్ చిత్రానికి దేవీ శ్రీప్రసాద్ సంగీతం అందించనున్నారు. శ్యామ్‍దత్ సినిమాటోగ్రఫీ చేయనుండగా.. నవీన్ నూలి ఎడిటర్‌గా వ్యవహరించనున్నారు. 2018లో గుజరాత్‍‍ సమీపంలోని సముద్రంలో చేపల వేటకు వెళ్లిన 22 మంది శ్రీకాకుళం, విజయనగరం జాలర్లను పాకిస్థాన్ బంధించింది. భారత ప్రభుత్వం వారిని స్వదేశానికి తిరిగి తీసుకొచ్చేందుకు చర్చలు జరిపింది. సుమారు రెండున్నరేళ్ల తర్వాత వారిని భారత్‍కు తిరిగి పంపింది పాక్. ఈ యథార్థ ఘటనల ఆధారంగానే తండేల్ రూపొందనుంది. జాలరిగా నాగచైతన్య ఫస్ట్ లుక్ కూడా ఇప్పటికే వచ్చింది.

అయితే లాంచింగ్ వేడుక‌కి ముందుగా వెంక‌టేష్ హాజ‌రు కాగా, ఆ త‌ర్వాత నాగార్జున వ‌చ్చారు. అయితే వెంకీని చూడ‌గానే నాగార్జున షేక్ హ్యాండ్ ఇచ్చి ముందుకు పోతుంటే ఆయ‌న‌ని వెన‌క వీపుపైన అలా కొట్టాడు. బిగ్ బాస్ కి పోయాక మ‌నోడి రేంజ్ చాలా ఎదిగింది అన్న‌ట్టు వెంకీ ఎక్స్‌ప్రెష‌న్ ఇచ్చాడు. ప్ర‌స్తుతం అందుకు సంబంధించిన విజువ‌ల్స్ నెట్టింట హల్‌చ‌ల్ చేస్తున్నాయి. ఇప్పటివరకూ ఎక్కువ శాతం కూల్ లవ్ స్టోరీస్ చేసిన చైతన్య, ఇప్పుడు కార్తికేయ 2 సినిమాతో పాన్ ఇండియా హిట్ కొట్టిన చందూ మొండేటితో కలిసి సినిమా చేస్తున్నాడు. మ‌రి ఈ చిత్రంతో ఎలాంటి సంచ‌ల‌నం సృష్టిస్తాడో చూడాలి.