వీర‌సింహారెడ్డిలో అదే మైన‌స్ అయిందా.. లేకుంటే సూప‌ర్ హిట్ అయ్యేదా..?

నందమూరి బాలకృష్ణ హీరోగా తెరకెక్కిన వీరసింహారెడ్డి సినిమాకు ప్రేక్షకుల నుండి మంచి రెస్పాన్స్ అయితే అందుకుంది.. ఈ నెల 12న విడుదలైన ఈ మూవీ చూసేందుకు అభిమానులు థియేటర్లకి క్యూ కట్టారు. కలెక్షన్ల వర్షం కురిపిస్తున్న ఈ సినిమా రికార్డులను తిరగరాస్తోంది. సినిమా విడుదలైన మొదటిరోజునే ప్రపంచవ్యాప్తంగా రూ.54 కోట్ల గ్రాస్ వసూలు చేసింది. తెలుగు రాష్ట్రాల్లో రూ.25.36 కోట్లు వచ్చాయి. దీంతో అత్యధిక వసూళ్లు రాబట్టిన 15వ సినిమాగా వీరసింహారెడ్డి నిలిచింది. ఇప్పటివరకు ఈ రికార్డ్ పుష్ప సినిమాపై ఉంది. పుష్ప మూవీ తెలుగు రాష్ట్రాల్లో ఒక్కరోజులో రూ.24.90కోట్లు రాబట్టగా, ఆ రికార్డ్ ను వీరసింహారెడ్డి తిరగరాసింది.

నందమూరి బాలకృష్ణ హీరోగా నటించిన లేటెస్ట్ మూవీ ‘వీరసింహారెడ్డి’.శృతి హాసన్ హీరోయిన్‌గా నటించింది. గోపీచంద్ మలినేని దర్శకత్వంలో తెరకెక్కిన ఈ సినిమాను మైత్రీ మూవీ మేకర్స్ భారీ ఎత్తున నిర్మించింది. ఫస్ట్ హాఫ్ లో వీర సింహారెడ్డి పాత్ర గూస్ బంప్స్ సీన్లు అన్నీ ఉండటం సినిమాకు ఒక విధంగా ప్లస్ అయితే మరో విధంగా మైనస్ అయింది. సింహ, లెజెండ్, అఖండ సినిమాల తరహాలో వీరసింహారెడ్డి స్క్రీన్ ప్లేను ప్లాన్ చేసి ఉంటే బాగుండేది అని కొంద‌రు అంటున్నారు.. ఫస్ట్ హాఫ్ తరహా గూస్ బంప్స్ సీన్లు సెకండ్ హాఫ్ లో లేవు. అందుకే సెకండ్ హాఫ్ కొంతమంది ప్రేక్షకులకు కనెక్ట్ కాలేద‌ని అంటున్నారు.

సినిమాలో 20 నిమిషాల సన్నివేశాలను కట్ చేసి ఉంటే సినిమా పర్ఫెక్ట్ గా ఉండేదని కొంద‌రు కామెంట్లు చేస్తున్నారు. మోతాదుకు మించి సినిమాలో ఫైట్లు ఉన్నాయని ఫ్లాష్ బ్యాక్, రివర్స్ స్క్రీన్ ప్లే ఈ సినిమాకు మైనస్ అయిందని అంటున్నారు. వీరసింహారెడ్డి, భానుమతి పాత్రల మధ్య బాండింగ్ సీన్లు మరి ఆకట్టుకునే స్థాయిలో లేవని కామెంట్లు వినిపిస్తున్నాయి. వాటి విష‌యంలో జాగ్ర‌త్త‌లు తీసుకొని ఉంటే అదిరిపోయేద‌ని కొంద‌రు చెప్పుకొస్తున్నారు. అఖండ సినిమా తర్వాత బాలయ్య వరుసగా సినిమాలను చేస్తున్నారు. అందులో భాగంగా గోపీచంద్ మలినేనితో వీరసింహారెడ్డి అనే సినిమాను చేశారు. మంచి అంచనాల నడుమ ఈ సినిమా సంక్రాంతి కానుకగా విడుదలై పాజిటివ్ టాక్ సొంతం చేసుకుంది. మొదటి రోజు రికార్డు బ్రేక్ కలెక్షన్స్ రాబట్టింది. రెండో రోజు కూడా అదే దూకుడుతో బాక్సాఫీస్ దగ్గర పర్ఫామ్ చేస్తోంది.