Varun Tej : టాలీవుడ్ హీరో వరుణ్ తేజ్, అందాల భామ లావణ్య త్రిపాఠి.. త్వరలో పెళ్లి పీఠలు ఎక్కబోతున్న సంగతి తెలిసిందే. ఈయన గత కొన్నేళ్లుగా లావణ్య త్రిపాఠితో ప్రేమలో ఉన్న సంగతి తెలిసిందే కదా. వీరు తమ ప్రేమను పెద్దలను ఒప్పించి పెళ్లి పీఠలు ఎక్కబోతున్నారు.జూన‌క 9న వీరి ఎంగేజ్మెంట్ కొంత మంది బంధు మిత్రుల సమక్షంలో జరిగింది. అత్యంత సన్నిహితుల సమక్షంలో లావణ్య త్రిపాఠి, వరుణ్ తేజ్ లు ఉంగరాలు మార్చుకున్నారు. ఈ వేడుకకు మెగాస్టార్ చిరంజీవి, రామ్ చరణ్, అల్లు అర్జున్, అల్లు అరవింద్, అంజనాదేవి, సాయిధరమ్ తేజ్, అల్లు శిరీష్ తో పాటు మెగా, అల్లు కుటుంబ సభ్యులు పాల్గొన్నారు. ఈ నిశ్చితార్థ వేడుకలో మెగా హీరోలు, అల్లు హీరోలు సందడి చేశారు.
అందరూ కూడా నూత‌న దంప‌తులైన వరుణ్ తేజ్, లావణ్య జంటకు శుభాకాంక్షలు తెలిపారు. వరుణ్ తేజ్ లావణ్య త్రిపాఠి నిశ్చితార్థ వేడుక కు సంబంధించి ఫోటోలు కొన్ని సోషల్ మీడియాలో హల్ చల్ చేస్తున్నాయి. ఇక వీటిని చూసినవారంతా కొత్త జంటకు శుభాకాంక్షలు తెలియజేస్తున్నారు. మెగా అభిమానులు వీరిద్దరి జంటను చూడ ముచ్చటైన జంటగా అభివర్ణిస్తున్నారు. వీళ్లిద్దరు తొలిసారి శ్రీనువైట్ల దర్శకత్వంలో తెరకెక్కిన ‘మిస్టర్’ సినిమాలో కలిసి నటించారు. ఆ షూటింగ్ సమయంలోనే వీళ్లిద్దరు ఒకరంటే ఒకరు ఇష్టపడటం ప్రారంభమైంది. ఆ తర్వాత వీళ్లిద్దరు ఓ కామన్ ఫ్రెండ్ బర్త్ డే పార్టీలో తమ మనసులో అభిప్రాయాలను వెల్లడించినట్టు మెగా కాంపౌండ్ వర్గాలు చెబుతున్నాయి. ఆ తర్వాత వీళ్లిద్దరు తమ ప్రేమ విషయాన్ని పెద్దలకు చెప్పారు. వారు ఓకే అనడంతో వీళ్లిద్దరు త్వరలో ఒకింటి వారు కాబోతున్నారు.
ప్రస్తుతం వరుణ్ తేజ్ లావణ్య త్రిపాఠి ఎంగేజ్మెంట్ సందర్భంగా సోషల్ మీడియాలో #VarunLav హ్యాష్ ట్యాగ్ తెగ ట్రెండ్ అవుతుంది. ఇదిలా ఉంటే వీరి పెళ్లి ఈ ఏడాది చివర్లో జరగనున్నట్టు సమాచారం. ప్రస్తుతం వరుణ్ తేజ్ లావణ్య త్రిపాఠి వేడుక‌కి సంబంధించిన పిక్స్ నెట్టింట వైరల్ అవుతున్నాయి.
