మెగా కోడలు, రామ్ చరణ్ స‌తీమ‌ణి ఉపాసన గురించి ప్ర‌త్యేక ప‌రిచ‌యాలు అక్క‌ర్లేదు. అపోలో హాస్పిటల్ మేనేజ్‌మెంట్ బాధ్యతలు మోస్తూ, సమాజహిత కార్యక్రమాలు నిర్వహిస్తూ సత్తా చాటుతోంది ఉపాసన. ఎంతో చలాకీగా ఉండే ఈమె ఎన్నో సేవా కార్యక్రమాలను కూడా చేపడుతూ అందరి చేత ప్రశంసలు అందుకుంటోంది. సోషల్ మీడియా వేదికగా ఉపాసన ద్వారా చాలా మందికి ఆరోగ్య సూచనలు చేస్తూ.. సలహాలు ఇస్తూ ఉంటుంది. అలానే మూగజీవాలను దత్తత తీసుకొని వాటి సంరక్షణ బాధ్యతలు చేపట్టడం, మారుమూల గ్రామాల్లో ఉన్నటువంటి ప్రజలకు గ్రామీణ వైద్య సేవలు, వృద్ధాశ్రమాలకు సహాయం చేయడం వంటివి చేస్తూ అందరి మ‌న్న‌న‌లు పొందుతుంది.
ఉపాస‌నని చాలా మంది డైమండ్ స్పూన్‌లో పుట్టిన రిచ్ కిడ్‌గానే ట్రీట్ చేస్తుంటారు. కానీ ఆ భావనే తప్పంటోంది ఉపాసన. తాము డైమండ్ స్పూన్‌తో పుట్టేందుకు పేరెంట్స్ విపరీతంగా కష్టపడ్డారని.. అలాగే చరణ్, తాను కూడా తమ పిల్లల కోసం ఆ విధంగానే హార్డ్ వ‌ర్క్ చేస్తామంటుంది. ఇక నా పుట్టుకకు ఓ కారణముందని నమ్ముతాను. గొప్ప ఫ్యామిలీ బ్యాక్‌గ్రౌండ్ కలిగి ఉండి కూడా చుట్టూ ఉన్న ప్రజల జీవితాల్లో మార్పు తెచ్చేందుకు ఏం చేయకపోతే నా జీవితానికి అర్థం లేదు’ అని ఉపాసన పేర్కొంది.
తాను ఐదేళ్ల వయసు ఉన్న‌ప్పుడు గ్రాండ్ ఫాదర్‌తో మొదటిసారి అపోలో ఆస్పత్రికి వెళ్లానని.. హెల్త్ కేర్ రంగంలో దేశానికి సేవలు అందించాలని ఆ రోజే డిసైడ్ అయినట్లు చెప్పుకొచ్చింది ఉపాసన. ఈ ప్రాసెస్‌లో అనేక ప్రొఫెషన్స్‌ ప్రయత్నించానని తెలిపిన మెగా కోడలు.. సాధ్యమైనంత మందికి సాయం చేయాలని అనుకుంటున్న పేర్కొంది. పేద‌ల‌కు ఉపాధి కల్పించాలని, ఆనందకరమైన జీవితం కోసం వారి జీవన ప్రమాణాలను పెంచాలని కోరుకుంటున్నట్లుగా ఉపాసన ఓ వీడియోలో పేర్కొంది. కష్టం విలువతో పాటు సమాజానికి తిరిగివ్వాలనే విషయాలను అర్థంచేసుకుంటూ పెరిగాన‌ని, స‌మాజంకి ఎంతో కొంత తిరిగి ఇస్తాన‌ని ఉపాసన ఆస‌క్తిక‌ర వ్యాఖ్య‌లు చేసింది. ఉపాసన వీడియోపై నెటిజన్స్ ప్ర‌శంస‌ల జ‌ల్లు కురిపిస్తున్నారు.
