Upasana : రామ్ చరణ్ స‌తీమ‌ణి ఉపాసన త్వరలో తల్లి కాబోతుంది అని ప్ర‌క‌టించిన‌ప్ప‌టి నుండి అనేక వార్త‌లు నెట్టింట హ‌ల్‌చ‌ల్ చేస్తున్నాయి. కొందరు స‌రోగ‌సి ద్వారా జ‌న్మ‌నివ్వ‌బోతుంద‌ని, ఆమె బేబి బంప్ క‌నిపించ‌డం లేద‌ని అనేక చ‌ర్చ‌లు జ‌రిపారు. అయితే రామ్ చరణ్ బర్త్ డే వేదిక‌గా ఈ అనుమానాల‌కి తెర ప‌డింది. ఆస్కార్ వేడుకలకు ఉపాసనను తీసుకుని రామ్ చరణ్ అమెరికా వెళ్లారు. అప్పుడు దిగిన ఫోటోలు చూస్తే.. కొన్నింటిలో బేబీ బంప్ కనపడింది. అయినా సరే కొందరు ‘అది బేబీ బంప్ కాదు అని సందేహాలు వ్యక్తం చేశారు.
ఉపాసన గర్భవతి అని ఎవ‌రు నమ్మలేదు. అయితే రామ్ చరణ్ బర్త్ డే సందర్భంగా మెగాస్టార్ ఇంట్లో పార్టీ జరిగింది. నాగచైతన్య, అఖిల్, అమలతో నాగార్జున, రాజమౌళి అండ్ కీరవాణి ఫ్యామిలీ, వెంకటేష్, రానా, విజయ్ దేవరకొండ, కాజల్ అగర్వాల్ ఫ్యామిలీ ఇంకా చాలామంది సెలబ్రిటీలు వచ్చారు. అందరిలో ఉపాసన హైలైట్ అయ్యారు. ఉపాసన బ్లూ కలర్ డ్రస్ ధరించారు. అందులో బేబీ బంప్ చాలా క్లారిటీగా కనిపించింది. దీంతో ఉపాసన ప్రెగ్నెన్సీపై అనుమానులు అన్నీ క్లియర్ అవుతాయని చెప్పవచ్చు.
బ్లూ కలర్ డ్రెస్ బిగుతగా ఉన్న తరుణంలో ఆమె బేబీ బంప్ క్లియర్ గా రివీల్ అయ్యింది. ఉపాసన ఫోటోలు సోషల్ మీడియాలో వైరల్ అవుతున్నాయి. గత ఏడాది డిసెంబర్ 12న చిరంజీవి ఈ స్వీట్ న్యూస్ అభిమానులతో పంచుకున్నారు. ఉపాసన తల్లి అయ్యారని, త్వరలో మెగా వారసుడు దిగుతున్నాడని వెల్లడించారు. 2012లో చరణ్-ఉపాసన ప్రేమ వివాహం చేసుకోగా, పెద్దలను ఒప్పించి బంధు మిత్రుల సమక్షంలో ఘనంగా పెళ్లి చేసుకున్నారు. ప‌దేళ్ల త‌ర్వాత ఈ దంప‌తులు త‌ల్లిదండ్రులు కాబోతున్నారు. ఇక ఇదిలా ఉంటే ఇటీవ‌ల ఆస్కార్ అవార్డును గెలిచి మ‌న దేశానికి ప్ర‌పంచ వ్యాప్తంగా గుర్తింపు తీసుకొచ్చిన ట్రిపుల్ ఆర్ టీమ్‌ను మెగాస్టార్ చిరంజీవి ప్ర‌త్యేకంగా స‌త్క‌రించారు.
