Teja : సినిమా ప‌రిశ్ర‌మ‌లో అవ‌కాశాలు పొందడం అంత ఈజీ కాదు. ఒక్క సినిమా ఛాన్స్ ద‌క్కించుకోవ‌డానికి నటీనటులు ప‌డే క‌ష్టాలు అన్నీ ఇన్నీ కావు . అయితే సాధార‌ణంగా సినిమాల‌లో ఎక్కువ‌గా ఫేమ‌స్ ఆర్టిస్ట్‌లే క‌నిపిస్తారు. కొత్త వారిని పరిచయం చేసేందుకు ద‌ర్శ‌కులు అంత పెద్ద‌గా ఆస‌క్తి చూప‌రు. కాని తన సినీ కెరియర్లో మొత్తం 1163 మందిని తెలుగు సినీ పరిశ్రమకు పరిచయం చేశానని దర్శకుడు తేజ వెల్లడించారు. నటీనటులు, హీరో హీరోయిన్లు ఇతర టెక్నీషియన్లు అందరినీ లెక్క వేస్తే 1163 మందిని తాను ఇంట్రడ్యూస్ చేశానని ఆయన అన్నారు.
అయితే వీరిలో ఎంతమందికి కృతజ్ఞతా భావం ఉంటుందని ప్ర‌శ్నించ‌గా, ఒక 20 మంది లోపే ఆ భావం ఉంటుందని ఆయన చెప్పుకొచ్చారు. ఈ సందర్భంగా కమెడియన్ సుమన్ శెట్టి గురించి ఆయన పలు ఆసక్తికరమైన విషయాలను పంచుకున్నారు. సుమన్ శెట్టి సినిమాల్లో ఎంట్రీ ఇచ్చిన కొత్తలో తాను వచ్చిన డబ్బుతో ఒక స్థలం కొనుక్కుని ఇల్లు కట్టుకోమని సలహా ఇచ్చానని అతను నేను చెప్పిన మాట విన్నాడని తేజ అన్నారు. అయితే ఇల్లు క‌ట్టుకున్న త‌ర్వాత నా కాళ్లు ప‌ట్టుకొని ఆశీర్వాదం తీసుకుంటాన‌ని సునీల్ అన్నాడు. అయితే కాళ్లు పట్టుకోవాల్సిన అవసరం లేదని అన్నానని చెప్పుకొచ్చారు.
అయితే మీ రుణం ఏదో ఒక విధంగా తీర్చుకునే అవకాశం కల్పించాలని సుమన్ శెట్టి ప్రాధేయ పడటంతో అప్పుడు నేను ఇలాగే కొత్తవారితో సినిమాలు చేస్తూ ఉండ‌డం వ‌ల‌న, ఒకానొక రోజున అన్ని పోగొట్టుకుని రోడ్డున పడితే నాకు ఉండటానికి ఒక రూమ్ ఉంచు. రోడ్డు మీద పడ్డాక ఎటు వెళ్లాలో తెలియక మీ ఇంటికి వస్తాను” అని సునీల్ శెట్టితో తేజ అన్నాడ‌ట. తేజ మాటలు విన్న అతను తన ఇంట్లో ఓ రూమ్ ను సైతం కట్టాడట . ఇప్పటికీ ఆ రూమ్ ను శుభ్రం చేస్తూ అలాగే ఆ రూమ్ లో తన ఫోటో కూడా పెట్టుకున్నాడని డైరెక్టర్ తేజ ఈ ఇంటర్వ్యూలో చెప్పాడు. ప్ర‌స్తుతం తేజ వ్యాఖ్య‌లు నెట్టింట వైర‌ల్‌గా మారాయి.
