ఎన్టీఆర్ కుటుంబం నుంచి వచ్చిన యువతరం నటుడు, రాజకీయ నాయకుడు నందమూరి తారకరత్న శనివారం రాత్రి బెంగళూరులోని నారాయణ హృదయాలయ ఆస్పత్రిలో తుదిశ్వాస విడిచిన విషయం తెలిసిందే. నారా లోకేష్ యువ‌గ‌ళంకి హాజ‌రైన లోకేష్ జనవరి 27న గుండెపోటుకు గురై 23 రోజులుగా మృత్యువుతో పోరాడి క‌న్నుమూసారు. సినిమా రంగంలోకి అడుగుపెట్టిన తొలి రోజుల్లోనే ఒకేరోజు 9 సినిమాలపై సంతకం పెట్టి ఒక్కసారిగా వార్తల్లోనిలిచిన తారకరత్న కెరీర్‌లో పెద్ద‌గా విజ‌యాలు సాధించ‌లేక‌పోయారు. అనంత‌రం హీరో పాత్రల నుంచి తరువాత రోజుల్లో విలన్ పాత్రల్లోకి దిగారు. ఇటీవల తెలుగుదేశం పార్టీలో చురుగ్గా కనిపించి మళ్లీ వార్తల్లో నిలిచిన ఆయ‌న ఇలా క‌న్నుమూయ‌డం అంద‌రిని బాధిస్తుంది.
నందమూరి మోహన కృష్ణ కుమారుడు అయిత‌ప తారకరత్న 1983 ఫిబ్రవరి 22న జన్మించారు. అలేఖ్య రెడ్డిని వివాహం చేసుకోగా, వారికి ఒక కుమార్తె ఉంది. అయితే సినీ ప‌రిశ్ర‌మ‌కు చెందిన వారికి సెంటిమెంట్స్ అనేవి ఉండ‌డం స‌హ‌జం. అలా తార‌క‌ర‌త్న‌కి ఓ నెంబర్ అస్స‌లు కలిసి రాలేదు. అదే నంబర్ 9. 2001లో తారకరత్న ఇండస్ట్రీకి అప్పుడే పరిచయం అవుతున్న సమయంలో ఒకేరోజు మొత్తం 9 సినిమాలకు సంతకం చేయ‌గా, అన్ని సినిమాలు సంతకం చేసి వరల్డ్ రికార్డ్ సృష్టించిన ఘనత తారకరత్న పేరు మీద ఉంది.. అయితే వీటిలో 6 సినిమాలు షూటింగ్ కి నోచుకోలేదు.
మిగతా 3 సినిమాల్లో ఒకటి ఒకటో నెంబర్ కుర్రాడు, రెండవది యువరత్న కాగా మూడవది తారక్. తొమ్మిది సినిమాలు సైన్ చేస్తే ఆరు సినిమాలు ఆగిపోవ‌డం తార‌క‌ర‌త్న‌ని కూడా బాధించింది. ఇక కుప్పం పర్యటనలో తారకరత్నకు గుండెపోటు వచ్చిన తేదీని కలిపితే 9 రావడం, మరణించిన తేదీని కలిపితే 9 రావడం చూస్తుంటే 9 అంకె కలిసి రాలేదేమో అని అభిమానులు చ‌ర్చ‌లు జ‌రుపుతున్నారు. తార‌క‌ర‌త్న‌కి గత నెల 27న హార్ట్ స్ట్రోక్ రాగా, ఫిబ్రవరి 18న తుది శ్వాస విడిచారు. తారకరత్న ఇలా చిన్న వయసులోనే కాలం చెందడం జీర్ణించుకోలేని విషయం.
