Surekha Vani : నటి సురేఖా వాణి..ఇటీవ‌లి కాలంలో తెగ వార్త‌ల‌లో నిలుస్తుంది. ఒక‌ప్పుడు క్యారెక్ట‌ర్ ఆర్టిస్ట్‌గా అద‌ర‌గొట్టిన ఈ భామ ఇటీవ‌లి కాలంలో కుమార్తెతో కలిసి.. సోషల్ మీడియాలో రచ్చ చేస్తుంటుంది. ఎప్పుడు సినిమా పాటలు, డైలాగ్స్‌కు రీల్స్‌ చేసి, వీడియోలు చేసి సోషల్ మీడియాలో అప్‌లోడ్‌ చేసే సురేఖా వాణి.. గత కొన్ని రోజులుగా వైఎస్సార్‌టీపీ అధ్యక్షురాలు వైఎస్ షర్మిల డైలాగ్స్‌ మీద రీల్స్‌ చేసి సోషల్ మీడియాలో పోస్ట్ చేస్తూ అంద‌రి దృష్టిని ఆక‌ర్షిస్తుంది. తాజాగా మరోసారి షర్మిల అన్న మాటలతోనే రీల్ చేసి ఇన్‌స్టాగ్రామ్‌లో షేర్‌ చేసింది.
వైఎస్ షర్మిల.. ఇటీవ‌లి కాలంలో తెలంగాణ రాజకీయాల్లో చాలా చురుగ్గా ఉన్నారు. ఆమె ఎక్కడ, ఎప్పుడు, ఏది మాట్లాడినా అది సెన్సేషన్ అవుతుంది. ఆమె మాటలు ఈ మధ్య సోషల్ మీడియాలో కూడా తెగ తిరుగుతున్నాయి. ముఖ్యంగా ఆమె మాట్లాడిన వాటిలో ‘పాదయాత్ర అంటే ఏంటి’, ‘స్టూడెంట్స్ అని ఎందుకు అంటారు’, ‘ఆడపిల్ల అంటే ఏంటి’, ‘మీ ఆవిడా అని ఎందుకంటారు’.. అనే వీడియోలు అయితే ఓ రేంజ్‌లో పాపులర్ అయ్యాయి.
తాజాగా సురేఖావాణి కూడా ఇలానే ఓ రీల్ చేసింది. సూడెంట్స్ అని ఎందుకు అంటున్నామంటే వాళ్లు యువత కాబట్టి..” అని షర్మిలక్క అన్న మాటలను ట్రోల్ చేస్తూ “నువ్వు నీకు దండం పెడతా నేను.. నువ్వు ఎంత తక్కువ పాజిబులో అంతనే మాట్లాడు రాధిక.. ఎందుకంటే నాకు ఒక రకమైన టిపికల్ ఏంగ్జయిటీ వస్తుంది నాకు.. నువ్వు మాట్లాడుతుంటే..!” అని డేజే టిల్లు సినిమాలో చెప్పిన డైలాగ్‌తో ఓ రీల్ చేసింది సురేఖావాణి. ఇప్పుడు ఇది తెగ వైరల్ అవుతుంది. సురేఖావాణి పోస్ట్ చేసిన రీల్ చూసిన చాలా మంది నెటిజనులు.. సూపర్‌ అంటూ లైకులు కొట్టారు. అయితే కొంతమంది మాత్రం.. ‘‘మేడమ్ మీరు వైఎస్ షర్మిలను అవమానిస్తున్నారు, షర్మిలక్కను ట్రోల్ చేస్తున్నారు” అంటూ కామెంట్ల వ‌ర్షం కురిపిస్తున్నారు.
