Sreeleela : ఇప్పుడు టాలీవుడ్‌లో ఎక్కువ‌గా వినిపిస్తున్న పేరు శ్రీలీల. ఏ హీరో సినిమా చూసిన ఈ అమ్మ‌డే క‌నిపిస్తుంది. ద‌ర్శకేంద్రుడు రాఘవేంద్రరావు చేతుల మీదుగా పెళ్లి సందD సినిమాతో తెలుగు సినీ పరిశ్రమలో తెరగేట్రం చేసిన శ్రీలీల.. రవితేజ ధమాకాలో న‌టించి మంచి హిట్ కొట్టింది. ఈ సినిమాతో శ్రీలీల ఓవ‌ర్‌నైట్ స్టార్ హీరోయిన్‌గా మారింది. స్టార్ హీరోయిన్లను సైతం వెనక్కి నెట్టి ఈ బ్యూటికి అవకాశాలు ఇస్తున్నారు దర్శకనిర్మాతలు. అలా బాలకృష్ణ, మహేశ్ బాబు వంటి స్టార్ హీరోలతో సినిమాలు చేస్తుంది శ్రీలీల. అంతేకాకుండా ఆమె చేతిలో ఇప్పటికే 7 భారీ చిత్రాలు ఉన్నాయి. శ్రీలీల నటిస్తున్న సినిమాల్లో ‘ఎక్స్‌ట్రా-ఆర్డినరీ మ్యాన్ ఒకటి.
నితిన్ హీరోగా చేస్తున్న ఈ సినిమాకు వక్కంతం వంశీ దర్శకత్వం వహిస్తున్నారు. అల్లు అర్జున్ తో నా పేరు సూర్య మూవీ తర్వాత వక్కంతం వంశీ డైరెక్ట్ చేస్తున్న సినిమా కావడంతో మంచి అంచనాలు ఏర్పడ్డాయి. చాలా కాలం గ్యాప్ తర్వాత హరీస్ జయరాజ్ తెలుగు సినిమాకు సంగీతం అందిస్తున్నారు. ఇందులో డేంజ‌ర్ పిల్ల కోసం శేఖర్ మాస్ట‌ర్‌తో క‌లిసి శ్రీలీల చిందులు వేసింది. ఇందులో శ్రీలీల డ్యాన్స్ చూసి స్ట‌న్ అవుతున్నారు. శ్రీలీల డ్యాన్స్ ముందు కొరియోగ్రాఫ‌ర్ కూడా తేలిపోయాడుగా అంటూ కొంద‌రు కామెంట్స్ చేస్తున్నారు. ఈ వీడియోలో శేఖర్ మాస్టర్ కన్నా శ్రీలీల బాగా చేసింది అని కామెంట్స్ పెడుతున్నారు. శ్రీలీల తన లెగ్స్ ను స్ప్రింగ్‌లా ఊపుతు మూమెంట్స్ చేసింది.
ధ‌మాకా చిత్రంలో కూడా శ్రీలీల తన డ్యాన్స్‌తో అద‌ర‌గొట్టింది. ముందు చాలా ప్రాక్టీస్ చేసిన శ్రీలీల చిత్రంలో తన పర్‌ఫార్మెన్స్ తో అద‌ర‌గొట్టింది. ప్రస్తుతం శ్రీలీల మహేశ్‌బాబు గుంటూరు కారం సినిమాలో నటిస్తోంది. అదేవిధంగా పవన్ కల్యాణ్ ఉస్తాద్ భగత్‌సింగ్, బాలయ్య భగవంత్ కేసరిలో ఓ ముఖ్య పాత్ర చేస్తోంది. మరోవైపు రామ్ స్కందలోను వైష్ణవ్ తేజ్ ఆదికేశవలోనూ, నితిన్ తో ఎక్స్‌ట్రా ఆర్డినరీ మ్యాన్ సినిమాల్లో శ్రీలీల హీరోయిన్. ఐతే రామ్, వైష్ణవ్ తేజ్, నితిన్ లు ముగ్గురి గత సినిమాలో ఫ్లాప్ కావడంతో తన కెరీర్ కి ఎఫెక్ట్ అవుతుందేమో అని టెన్షన్‌తో ఆందోళన చెందుతోందట శ్రీలీల.
