Sree Leela : ఇప్పుడు టాలీవుడ్ లో శ్రీలీల జపం చేస్తున్నారు నిర్మాత‌లు. పూజా హెగ్డే, రష్మిక లాంటి స్టార్ హీరోయిన్స్ ఉన్న‌ప్ప‌టికీ శ్రీలీల‌ని త‌మ సినిమాల‌లో తీసుకునేందుకు ఆస‌క్తి చూపుతున్నారు. యంగ్ హీరోయిన్ శ్రీలీలకి టాలీవుడ్‌లో డిమాండ్ బాగా పెరిగిపోయింది. శ్రీకాంత్ కొడుకు రోషన్ హీరోగా నటించిన పెళ్లిసందD మూవీతో ఎంట్రీ ఇచ్చిన ఈ ముద్దుగుమ్మ.. ఆ సినిమా ఫలితంతో సంబంధం లేకుండా వరుస అవకాశాల్ని దక్కించుకుంటూ వ‌స్తుంది.. ఇప్పటికే రవితేజతో కలిసి ‘ధమాకా’ మూవీలో జతకట్టగా.. బోయపాటి శ్రీను- రామ్ కాంబినేషన్‌లో రాబోతున్న సినిమాలోనూ శ్రీలీలనే హీరోయిన్. అలానే ఓ 2-3 సినిమాలు చర్చ దశలో ఉన్నట్లు టాలీవుడ్‌లో టాక్ వినిపిస్తోంది.
రీసెంట్‌గా ధ‌మాకాతో ప్రేక్ష‌కుల‌ని పల‌క‌రించిన శ్రీలీల అందరి దృష్టిని త‌న వైపుకు తిప్పుకుంది.సినిమా యూనిట్ అందరి క‌న్నా శ్రీలీలనే మంచి పేరు తెచ్చుకుంద‌ని అంటున్నారు. ముఖ్యంగా ఆమె ఎంట్రీ, డ్యాన్స్ తో పాటు ప‌ర్‌ఫార్మెన్స్ చూసి ప్ర‌తి ఒక్క‌రు ఆశ్చ‌ర్య‌పోయారు. ఆమె నటనకు, స్క్రీన్ ప్రజెన్స్‌కు మంచి మార్కులు పడ్డాయి. రానున్న రోజుల‌లో శ్రీలీల రష్మిక, పూజల తర్వాత టాలీవుడ్ టాప్ హీరోయిన్ల లీగ్‌లోకి ప్రవేశించడం ఖాయం అని కొంద‌రు జోస్యాలు చెబుతున్నారు. ప్రస్తుతం, ఆమె చేతిలో 4 సినిమాలు ఉన్నాయి, అందులో అగ్ర నిర్మాణ సంస్థ ‘సితార ఎంటర్‌టైన్‌మెంట్’ మరియు అనేక ఇతర బ్యానర్‌లు కూడా ఆమెతో ఒప్పందం చేసుకోబోతున్నాయ‌ట.
ధమాకా చిత్రానికి శ్రీలీల 40 లక్షల రెమ్యూనరేషన్ తీసుకుందని టాక్. ప్రజంట్ ఒప్పుకున్న సినిమాలను 1 కోటికి ఓకే చేసిందట. అయితే వెంటనే డేట్స్ అడ్జెస్ట్ చేస్తే.. రూ. 1.5 కోట్లు ఇస్తానని ఓ నిర్మాత ఆఫర్ ఇచ్చాడని టాక్. డాక్టర్ కాబోయి యాక్టర్ అయ్యామని చాలా మంది యాక్టర్స్ చెప్తూ ఉంటారు. కానీ తాను మాత్రం ఎంబీబీఎస్‌ చదువుతూనే మూవీస్ చేస్తుంది. ఇటు చదువు – అటు సినిమా రెండిటినీ బ్యాలెన్స్ చేయడం అలవాటైపోయిందని వివరించింది. ఇంత బిజీ షెడ్యూల్స్‌లో ఆమె స్టడీస్‌కు కూడా టైమ్ కేటాయించడం గొప్ప విష‌యం అని చెప్పాలి.
