Samantha : అందాల ముద్దుగుమ్మ స‌మంత‌కి 2021 నుండి అనేక స‌మ‌స్య‌లు త‌లెత్తుతూనే ఉన్నాయి. నాగ చైత‌న్య నుండి విడాకులు, ఆ తర్వాత మయోసైటిస్ అనే వ్యాధిన బారిన ప‌డి చాలా ఇబ్బందులు ఎదుర్కొన‌డం జ‌రిగింది. ఆ వ్యాధితో తీవ్రంగా పోరాడిన సమంత ఎట్ట‌కేల‌కు కోలుకొని ప్రస్తుతం త‌ను క‌మిటైన సినిమాల షూటింగ్స్‌తో బిజీగా ఉంది.ప్రస్తుతం రాజ్ అండ్ డీకే సిటాడెల్ వెబ్ సిరీస్, శివ నిర్వాణ ఖుషి సినిమాను పూర్తి చేయాలని అనుకుంటోంది. ఈ ప్రాజెక్టుల కోసమే హెవీ వర్కౌట్లు చేస్తోంది. యాక్షన్ సీక్వెన్స్‌ల కోసం రిహార్సల్స్ కూడా చేస్తోంది.
అయితే ఈ క్రమంలో సమంత చేతికి గాయాలయ్యాయి. చేయి, వేళ్లు అంతా కూడా కమిలిపోయి రక్తం కారుతూ ఉంది. యాక్షన్ షూట్ కోసం సిద్ధమవుతున్న సమయంలో సమంత తన ప్రాక్టిస్ వీడియోల‌ను సోష‌ల్ మీడియాలో అభిమానులతో పంచుకుంటునే ఉంది. ఈ క్రమంలో తాజాగా సమంత షేర్ చేసిన ఫోటో సోష‌ల్ మీడియాలో వైరల్ అవుతోంది. ఈ పిక్ చూస్తే సమంత ప్రస్తుతం ఎంతగా కష్టపడుతోందో.. అర్ధ‌మ‌వుతుంది. ఇంతలా రిహార్సల్స్ చేస్తూ యాక్షన్ సీక్వెన్స్‌లు చేస్తోందంటే.. తెరపై ఇంకెలా ఉంటుందో ఊహించుకోవచ్చు. ట్రైనర్ జునైద్ ఆధ్వర్యంలో ఈ రిహార్సల్స్ చేస్తున్నట్టుగా ఉంది. సమంత తన చేతి పరిస్థితిని చెబుతూ ఇన్ స్టా స్టోరీలో పోస్ట్ పెట్టేసింది.
మయోసైటిస్ కారణంగా ‘యశోద’ చిత్రం తర్వాత కొంత విరామం తీసుకున్న సమంత.. తిరిగి తన ప్రాజెక్టులను పూర్తిచేసే పనిలో పడింది. ‘శాకుంతలం’ ప్రమోషన్స్‌ చేస్తూనే రాజ్ అండ్ డీకే తెరకెక్కిస్తున్న ‘సిటాడెల్’వెబ్ సిరీస్‌లో నటిస్తోంది. త్వరలోనే ‘ఖుషి’ చిత్రీకరణలోనూ సామ్ జాయిన్‌ కాబోతోంది. ఇక సమంత న‌టించిన డెబ్యూ చిత్రం ఏమాయ చేశావే విడుద‌లై 13 ఏళ్లు పూర్తైన క్రమంలో రీసెంట్‌గా సమంత తన సోష‌ల్ మీడియాలో ఆస‌క్తిక‌ర పోస్ట్ పెట్టింది. ఈ పోస్ట్ నెట్టింట తెగ వైరల్ అయింది.
