Sai Dharam Tej : సుకుమార్ శిష్యుడు కార్తీక్ దండును దర్శకుడిగా పరిచయం చేస్తూ.. సాయి ధరమ్ తేజ్ కథానాయకుడిగా నటించిన సినిమా ‘విరూపాక్ష’. ఇందులో సంయుక్తా మీనన్ హీరోయిన్. శ్రీ వెంకటేశ్వర సినీ చిత్ర, సుకుమార్ పతాకాలపై బాపినీడు బి సమర్పణలో బీవీఎస్‌ఎన్ ప్రసాద్ నిర్మించ‌గా, సుకుమార్ స్క్రీన్ ప్లే అందించారు. తెలుగు, తమిళ, మలయాళ, కన్నడ, హిందీ భాషల్లో ఈ నెల 21న.. శుక్రవారం సినిమా విడుదల కాగా, ఈ సినిమాకి మంచి రెస్పాన్స్ వ‌చ్చింది. అయితే ఈ సినిమా విజయం తర్వాత చిత్ర యూనిట్‌కి అనేక ప్ర‌శ్న‌లు ఎదుర‌వుతున్నాయి.
అయితే చిత్రంలో క‌థానాయిక‌గా నటించిన సంయుక్త మీనన్ కి అనేక ప్ర‌శ్న‌లు ఎదుర‌య్యాయి. సంయుక్తా మీనన్. పవర్ స్టార్ పవన్ కళ్యాణ్ నటించిన భీమ్లానాయక్ సినిమాతో టాలీవుడ్ కు పరిచయం కాగా, ఆ సినిమాలో రానా భార్యగా నటించి మెప్పించింది. ఆ తర్వాత నందమూరి కళ్యాణ్ రామ్ నటించిన బింబిసార సినిమాతో మరో హిట్ అందుకుంది. అలాగే ధనుష్ నటించిన సార్ సినిమాతో హ్యాట్రిక్ హిట్స్ కొట్టింది. ఇక లేటెస్ట్ గా మెగా మేనల్లుడు సాయి ధరమ్ తేజ్ హీరోగా నటించిన విరూపాక్ష సినిమాలో నటించింది. ఈ సినిమా మంచి హిట్ కావ‌డంతో అది కూడా సంయుక్త ఖాతాలో మరో హిట్ పడింది.
సంయుక్త మీన‌న్‌ని అంద‌రు ఇప్పుడు గొల్డెన్ లెగ్ అంటుంటే దానికి విరూపాక్ష ద‌ర్శ‌కుడు ఆస‌క్తిక‌ర స‌మాధానం ఇచ్చారు. సంయుక్త మీన‌న్‌ని సాయిధ‌రమ్ తేజ్‌కి యాక్సిడెంట్‌కి ముందే ఎంపిక చేశాం కాబ‌ట్టి ఆమెను ఐరెన్ లెగ్ అన‌లేం క‌దా. ఇండ‌స్ట్రీలో గోల్డెన్ లెగ్ వంటివి ఏమి ఉండ‌వ‌ని చిత్ర విజయం స్క్రిప్ట్‌ మీద ఆధార‌ప‌డి ఉంటుంద‌ని అంటున్నారు. సంయుక్త వ‌చ్చాకే తేజూకి ప్ర‌మాదం జ‌రిగింద‌ని కార్తీక్ అన‌డంతో ఆమె వెరైటీ ఎక్స్‌ప్రెష‌న్ పెట్టింది. ఏదేమైన కార్తీక్ కామెంట్స్ ఇప్పుడు నెట్టింట వైరల్ అవుతున్నాయి.
