Sadguru : నాగ చైతన్య నుండి విడాకులు తీసుకున్న స‌మంత‌కి సంబంధించి నిత్యం ఏదో ఒక వార్త హల్చల్ చేస్తూనే ఉంటుంది. ఆమె ఆరోగ్యం బాగోలేద‌ని, చికిత్స కోసం అమెరికా వెళ్ల‌నుంద‌ని, బాలీవుడ్ ఇండ‌స్ట్రీకి సంబంధించిన వ్య‌క్తిని రెండో పెళ్లి చేసుకుంద‌ని, పెళ్లి చేసుకోవ‌డం ఇష్టం లేక గ‌ర్భసంచి తీయించేసుకుంద‌ని కొద్ది రోజులుగా అనేక వార్తలు హల్చల్ చేస్తున్నాయి. ఈ త‌ప్పుడు వార్త‌ల‌పై సమంత ఏమాత్రం స్పందించ‌డం లేదు. ఇక తాజాగా సమంత రెండో పెళ్లికి సిద్ధ‌మైంద‌ని, సద్గురు బాబా వరుడిని వెతికే ప‌నిలో ఉన్న‌ట్టు ఓ ప్రచారం అయితే న‌డుస్తుంది.
సద్గురుతో సమంతకు మంచి అనుబంధం ఉంది. మొదటి నుంచి మానసికంగా ఇబ్బంది ఉంటే.. ఆయ‌న ప్ర‌వ‌చ‌నాలు విన‌డం స‌మంత‌కి బాగా అల‌వాటు. ఏదైన విష‌యంలో డిస్ట్ర‌బ్ అయితే ఆ స్ట్రగుల్ నుంచి బయట పడటానికి ఆధ్యాత్మిక మార్గం ఎంచుకుంటుంది సమంత. విడాకుల త‌ర్వాత సమంత ప‌లు పుణ్య‌క్షేత్రాలు చుట్టొచ్చిన విష‌యం తెలిసిందే. అయితే చాలా కాలంగా సద్గురు సలహామేరకు ధ్యానం సాధన చేస్తూ డిప్రెషన్స్‌కి లోను కాకుండా తన జీవితం ముందుకు సాగేలా చూసుకుంటుంద‌ట సమంత.
ఇప్పుడు సమంత పెళ్లి గురించి సద్గురు బాబా కాన్సన్ట్రేషన్ చేస్తున్నాడని ఇప్పటికే ఆమె కోసం వరుడిని ఫిక్స్ చేశారని సోషల్ మీడియాలో న్యూస్ తెగ చక్క‌ర్లు కొడుతుంది. మ‌రి ఇందులో ఎంత నిజం ఉంద‌నేది కాల‌మే నిర్ణ‌యిస్తుంది. కాగా ప్రస్తుతం సమంత వరుస సినిమాలు చేస్తుంది. పాన్ ఇండియా లెవల్ కాకుండా.. హాలీవుడ్ స్తాయికి వెళ్ళింది. అంతేకాదు తన చేతికి వచ్చిన ఏ ప్రాజెక్టును కూడా వదులుకోకుండా చేస్తుంది. ఐటెం సాంగ్స్, బాలీవుడ్, హాలీవుడ్ సినిమాలు, వెబ్ సిరీస్‌లు కూడా సమంత చేస్తున్న విష‌యం తెలిసిందే.
