Renu Desai : రేణూ దేశాయ్… ఈ అమ్మ‌డు ఒక‌ప్పుడు పవన్ కళ్యాణ్ భార్య, కాని ఇప్పుడు మాత్రం పవన్ మాజీ స‌తీమ‌ణి. కొన్నాళ్లుగా పవన్ క‌ళ్యాణ్‌కి దూరంగా ఉంటున్న రేణూ దేశాయ్ తన పిల్ల‌ల‌తో క‌లిసి పూణేలో సంతోషంగా ఉంటుంది. ఇక వీలున్న‌ప్పుడ‌ల్లా త‌మ పిల్ల‌ల‌కి సంబంధించిన విష‌యాలని సోష‌ల్ మీడియాలో షేర్ చేస్తూ ఉంటుంది. అయితే పవన్ నుండి విడిపోయిన తర్వాత రేణూ దేశాయ్.. ఆయన జ్ఞాపకాలని పూర్తిగా తుడిచేసుకోవాల‌నే ప్ర‌య‌త్నం చేస్తుంది. పవన్ కళ్యాణ్ మాజీ భార్య అని అనడాన్ని అస్సలు అంగీకరించని రేణూ దేశాయ్ తన పిల్లలను సైతం పవన్ కళ్యాణ్ పిల్లలు అనడాన్ని ఆమె అంగీకరించడం లేదు.
ఆ మ‌ధ్య అకీరాను ‘మా అన్న కొడుకు’ అని ఒక పవన్ కళ్యాణ్ అభిమాని అన్నందుకు రేణూ దేశాయ్ చాలా కోపంగా రియాక్ట్ అయ్యారు. అకీరా తన కొడుకు అని గట్టిగా చెప్పారు. దీంతో కొంత మంది రేణూ దేశాయ్‌ను ట్రోల్ చేయడం మొదలుపెట్టారు. వారికి రేణూ దేశాయ్ ఘాటుగానే బదులిస్తూ ఉంటుంది. అయితే ఓ సారి రేణూ… ఉత్తేజ్ కూతురు పాట‌తో తన సినిమా సాంగ్స్ తో పాటు మెగా ఫ్యామిలీ హీరోల సాంగ్స్ పాడిపించుకుంది. పవన్ వ‌కీల్ సాబ్ లోని మగువా మగువా అనే పాట కూడా పాడిపించుకోగా.. రేణూకి పవన్ మీద ఎంతో కొంత ప్రేమ ఉందని చెప్పుకొస్తున్నారు.
కాగా, రేణూ దేశాయ్ ప్ర‌స్తుతం సినిమాల‌కి దూరంగా ఉంటూ తన త‌న‌యుడిని చూసుకుంటూ మురిసిపోతుంది. ఇటీవ‌ల అకీరా జిమ్ వీడియో షేర్ చేసింది. ఇందులో… ‘అకీరాను జిమ్ చేస్తున్నప్పుడు ఇంగ్లీష్ పాటలకు బదులుగా మాతృభాషలో పాటలు వినాలని నేను ప్రోత్సహించేదాన్ని. ఇప్పుడు అదే పాటిస్తూ అకీరా తెలుగు/హిందీ పాటలు వింటూ జిమ్ చేయడం గర్వంగా ఉంది. నేను జిమ్ లో ఇంగ్లీష్ పాటలకు బదులు హిందీ పాటలు ప్లే చేయాలని అడిగిన సందర్భంలో నన్నో పిచ్చిదానిగా చూసేవారు. వాటిని నేను పట్టించుకోలేదు. ఇప్పుడు నేను చెప్పిందే అకీరా చేస్తున్నాడు. నేటి యువత కూడా మాతృభాషకు గౌరవం ఇస్తారని ఆశిస్తున్నాఅని రేణూ పేర్కొంది. కాగా, 20ఏళ్లుగా నటనకు దూరంగా ఉన్న రేణూ దేశాయ్ ఇప్పుడు టైగర్ నాగేశ్వరరావు సినిమాలో నటిస్తున్నారు.
