Ravanasura : మాస్ మ‌హరాజా రవితేజ ఇటీవ‌లి కాలంలో స‌రైన సక్సెస్ లేక ఇబ్బంది ప‌డుతున్నారు. రెండు బ్యాక్‌ టు బ్యాక్‌ హిట్లతో తిరిగి ఫామ్‌లోకి వచ్చేశాడనుకుంటే రవన్నకు రావాణాసుర రూపంలో మరో ఫ్లాప్ చేరింది. ఇప్పటికే దాదాదాపు ఈ సినిమా చాలా వరకు థయేటర్‌లలో నుంచి వెళ్లిపోయిన రావణాసుర సినిమా కొంత మందికి వ‌చ్చి వెళ్లిన‌ట్టు కూడా తెలియ‌దు. అయితే చిత్రంలో రవితేజ నటన మాత్రం ఈ సినిమాలో వేరే లెవల్లో ఉంటుంది. నెగెటీవ్‌ క్యారెక్టర్‌లో జీవించేశాడు. ఇక సుధీర్‌ వర్మ కథ పరంగా వంద మార్కులు వేసుకున్నా కథనంలో మాత్రం పూర్తిగా విఫలమయ్యాడు. ముఖ్యంగా యాక్షన్ థ్రిల్లర్‌ సినిమాలంటే సస్పెన్స్‌ మెయింటేన్‌ చేస్తూ అదే సమయంలో ప్రేక్షకుల్లో క్యూరియాసిటీ క్రియేట్‌ చేయాలి కాని ఈ విష‌యంలో సుధీర్‌ వర్మ ఫేయిలయ్యాడు.
రావణాసుర చిత్రం డిజాస్టర్ కలెక్షన్స్ తో ఫ్లాప్ టాక్ తెచ్చుకోవడంతో అమెజాన్ ప్రైమ్ లో సినిమాని స్టీమింగ్ చేయడానికి రెడీ అవుతున్నార మేక‌ర్స్ . సినిమా హిట్ టాక్ వస్తే మే నెలలో రెండవ వారం రిలీజ్ చేయాలని ముందుగా డిసైడ్ అయ్యారు. కచ్చితంగా సినిమా సూపర్ హిట్ అవుతుంది అని అంచనా వేశారు. అయితే అనూహ్యంగా ప్రేక్షకులు మూవీని తిరస్కరించడంతో ఇప్పుడు ఏప్రిల్ నెల ఆఖరులో స్ట్రీమింగ్ చేయడానికి అమెజాన్ ప్రైమ్ వారు సిద్ధం అవుతున్న‌ట్టు ఇన్‌సైడ్ టాక్. మొత్తానికి రవితేజ కెరియర్ లో విభిన్న కథాంశంతో వచ్చిన సినిమాలు అంతగా సక్సెస్ అయిన దాఖలాలు లేవు.
ఇప్పుడు రావణాసుర మరోసారి ఆ ఫీట్ ని కొనసాగింపుగా వచ్చిందనే మాట ఫిల్మ్ నగర్ సర్కిల్ లో చెప్పుకుంటున్నారు. ఇదిలా ఉంటే ప్రస్తుతం రవితేజ టైగర్ నాగేశ్వరరావు మూవీ షూటింగ్ లో బిజీ అయ్యాడు. ఈ మూవీని దసరా కానుకగా తీసుకొచ్చే ప్లానింగ్ జరుగుతోంది. యాక్షన్ థ్రిల్లర్‌ నేపథ్యంలో తెరకెక్కిన రావణాసుర సినిమాలో రవితేజ జోడీగా అను ఇమాన్యూయేల్‌, మేఘా ఆకాశ్‌, ఫ‌రియా అబ్దుల్లా, దక్షా నగర్కర్, పూజిత పొన్నాడలు న‌టించారు. అక్కినేని సుశాంత్‌ కీలకపాత్ర పోషించాడు. ఈ సినిమాను అభిషేక్ అగ‌ర్వాల్ ఆర్ట్స్ బ్యాన‌ర్‌తో క‌లిసి రవితేజ ఆర్‌టీ టీం వ‌ర్క్స్ బ్యాన‌ర్‌పై స్వీయ నిర్మాణంలో తెర‌కెక్కించాడు.
