సంచలన ద‌ర్శ‌కుడు రామ్ గోపాల్ వర్మ నిత్యం ఏదో ర‌కంగా వివాదాల‌లో నిలుస్తూ ఉంటార‌నే విష‌యం తెలిసిందే. ఆయన మెగా ఫ్యామిలీపై ఏదో ఒక కాంట్రవర్షియల్ కామెంట్ చేస్తూనే ఉంటాడు. అయితే మెగా ఫ్యామిలీలో ప‌వ‌న్‌పై ఎక్కువ కాంట్రవర్షియల్ కామెంట్స్ చేసే ఆర్జీవి తాజాగా ప‌వ‌న్‌కి నాదెండ్ల మనోహర్ వెన్నుపోటు పొడుస్తాడు అని చెప్పి సంచలన కామెంట్స్ చేశారు. జనసేనాని పవన్ కళ్యాణ్, అదే పార్టీలో కీలక నేత నాదెండ్ల మనోహర్ ఇద్దరు ఎంత మంచి సన్నిహితునేది అందరికీ తెలిసిన విషయమే. అయితే.. నమ్మినవాడే నట్టేట ముంచుతాడు అనే సామెత ఎప్పటి నుంచో వాడుకలో ఉంది. ఆ సామెత ప్రకారమే రాజకీయాలు సాగుతున్నాయని ఫిలాసఫీ చెప్తున్నాడు డైరెక్టర్ రాం గోపాల్ వర్మ.
జనసేన అధినేత పవన్ కళ్యాణ్‌ను టార్గెట్ చేస్తూ. వెన్నుపోటు అంశాన్ని తెరమీదికి తీసుకొచ్చాడు. ఇప్పటికే.. ఎన్టీఆర్ జీవిత చరిత్ర తీస్తానంటూ మొదలుపెట్టి పెద్దాయనకు చంద్రబాబు ఎలా వెన్నుపోటు పొడిచారన్న తనదైన కోణం సినిమా తీసి బయటికి వదిలాడు. ఇప్పుడు పవన్ కళ్యాణ్‌కు కూడా అలాంటి వెన్నుపోటే జరగబోతోందని జోస్యం చెప్తున్నాడు. ఆనాడు జూలియస్ సీజర్‌ను బ్రూటస్, ఆ తర్వాత సీనియర్ ఎన్టీఆర్‌ని నాదెండ్ల భాస్కర్ రావు, అటు పిమ్మట మళ్లీ ఎన్టీఆర్‌నే నారా చంద్రబాబు నాయుడు ఎలా అయితే వెన్నుపోటు పొడిచారో.. ఇప్పుడు కూడా జనసేనాని పవన్ కళ్యాణ్‌ను కూడా ఆయన పక్కనే ఉంటున్న నాందెండ్ల మనోహర్, నారా చంద్రబాబు నాయుడు.. ఇద్దరు కలిసి వెన్నుపోటు పొడుస్తారని జోస్యం చెప్తున్నాడు ఆర్జీవి.
ఈ విషయాన్ని తనకు రాత్రి పూట కలలో ఏకంగా దేవుడే కనిపించి చెప్పాడట. ఈ మేరకు ఆర్జీవీ ట్వీట్ చేశాడు. ఈ ట్వీట్ చూసిన జ‌నసైనికులు ఆర్జీవిని ఏకిపారేస్తున్నారు. ఓసారి దేవుడే లేడని మాట్లాడుతావు.. మళ్లీ ఆ దేవుడే కలలోకి వచ్చి చెప్పాడంటావు.. ఏంది సామీ ఇది.. వొడ్కాలో నీళ్లు తగ్గాయేమో చూసుకో అంటూ అతనికి తెగ కౌంట‌ర్స్ ఇచ్చేస్తున్నారు. ఎవ‌రెన్ని తిట్టిన ఆయన పంథా మార‌దంటూ కొంద‌రు చెప్పుకొస్తున్నారు.
