Ram Charan : మెగా ప‌వ‌ర్‌స్టార్ రామ్ చరణ్, ఉపాసన దంప‌తుల‌కు జూన్ 20న తెల్ల‌వారుఝామున 1.49ని.ల‌కి పాప పుట్టిన సంగ‌తి తెలిసిందే. ఈ వార్త బ‌య‌ట‌కు రావ‌డంతో మెగా ఫ్యామిలీతో పాటు అభిమానుల‌లో కూడా సంద‌డి వాతావ‌ర‌ణం నెల‌కొంది. ఇన్నాళ్లు ఎప్పుడు బిడ్డ బ‌య‌ట‌కు వ‌స్తుందా అని చూసిన అభిమానులు ఇప్పుడు ఆ పాపకి ఏ పేరు పెడ‌తారు, పాప‌ని ఎప్పుడు చూపిస్తారు అంటూ ఎదురు చూస్తున్నారు. జూన్ 23 మ‌ధ్యాహ్నం.. బిడ్డతో కలిసి హాస్పిటల్ నుంచి డిశ్చార్జ్ అయ్యారు ఉపాసన. అనంతరం ఉపాసన .. తన బిడ్డ, భర్తతో కలిసి ఓ పిక్ షేర్ చేసారు. ఇక రామ్ చరణ్ చేతిలో వాళ్లు పెంపుడు కుక్కతో ఉండటం విశేషం. ఈ ఆనంద క్షణాలు మరవలేనివి అంటూ సోషల్ మీడియాలో పంచుకున్నారు.
అయితే డిశ్చార్జ్ తర్వాత రామ్ చరణ్ మీడియాతో మాట్లాడుతూ తన ఆనంద క్ష‌ణాల‌ని పంచుకున్నారు. డాక్ట‌ర్ సుమ‌న, డాక్ట‌ర్ రుమ, డాక్ట‌ర్ ల‌త, డాక్ట‌ర్ సుబ్బారెడ్డి, డాక్ట‌ర్ అమితా ఇంద్ర‌సేన, తేజ‌స్విగారు స‌హా ఎంటైర్ అపోలో టీమ్‌కి థాంక్స్‌. చాలా బాగా చూశారు. మేమెంతో ల‌క్కీ. ఎలాంటి ఇబ్బందులు లేవన్నారు. ఉపాసన, పాప ఇద్ద‌రూ క్షేమంగా ఉన్నారు. ఇంత మంచి డాక్టర్స్ టీమ్ కుదిరారు కాబ‌ట్టి ఎలాంటి భ‌యం లేదు. అలాగే మా అభిమానుల ప్రార్థ‌న‌లు, వాళ్లు చేసిన పూజలు గురించి ఎంత చెప్పినా త‌క్కువే. వాళ్ల‌ను ఎప్ప‌టికీ మ‌ర‌చిపోలేను. ఇంత‌క‌న్నా వాళ్ల ద‌గ్గ‌ర నుంచి నేనేం అడుగుతాను. అలాగే అన్నీ దేశాల నుంచి మా శ్రేయోభిలాషులు, ఇత‌రులు ఆశీస్సులు అందించారు.
ఇక పవన్ కళ్యాణ్ బాబాయ్ ఏపీలో రాజ‌కీయాల‌తో బిజీగా ఉండ‌డం వ‌ల‌న రాలేక‌పోయారు. నాకు వెంట‌నే ఫోన్ చేసి నన్ను స‌ర‌దాగా డాడీ అని పిలుస్తున్నారు అని రామ్ చరణ్ చెప్పుకొచ్చాడు. పెళ్లైన 11 ఏళ్ల తర్వాత ఉపాసన పాపకి జన్మనివ్వడంతో మెగా ఫ్యామిలీ ఆనందం అంతా ఇంతాకాదు. ఇక ఉపాసన పండంటి పాపకు జన్మనివ్వడంతో కొద్ది రోజులు షూటింగ్ కు దూరంగా ఉంటారని అందరూ భావించారు. కానీ అలాంటివేవీ లేవని.. చరణ్ షూట్ కు సిద్ధంగా ఉన్నారని తెలుస్తోంది. ప్రస్తుతం శంకర్ ‘ఇండియన్ 2’తో బిజీగా ఉన్నారు. త్వరలోనే గేమ్ చేంజ‌ర్‌ షూట్ రెస్యూమ్ కానుందని తెలుస్తోంది. ఈ చిత్రానికి థమన్ సంగీతం అందిస్తున్నారు.
