Rahul Ravindran : టాలీవుడ్ స్టార్ హీరోయిన్ సమంత తాజాగా పెద్ద వివాదంలో ఇరుక్కుంది. మ‌యోసైటిస్ బారిన ప‌డ్డ ఈ ముద్దుగుమ్మ ఇన్ఫెక్షన్లను ఏ విధంగా నయం చేసుకోవచ్చో చెబుతూ ఓ హెల్త్ టిప్ చెబుతూ ఓ ఫొటో పోస్ట్ చేసింది. అది చూసిన ఓ డాక్టర్ మండిపడ్డారు. ఆమెను జైల్లో పెట్టాలంటూ సీరియస్ అయ్యారు. ఆమెకు జరిమానా కూడా విధించాలని చెప్పుకొచ్చారు. దాంతో సమంత మంచి చేద్దామని వెళ్తే చెడు ఎదురైన పరిస్దితి వచ్చింది. డాక్టర్ కామెంట్‌పై స్పందించిన సమంత.. కొన్నేళ్లుగా నేను అనేక రకాల మందులు వేసుకుంటున్నాను. ప్రతి దాన్ని డాక్టర్ల సలహా మేరకు ఉపయోగిస్తున్నా. ఇతరులకు ఇచ్చే టిప్స్‌ కూడా నేను పాటించి ఫలితం వచ్చిన తర్వాతనే చెప్పాను.
నేను తీసుకుంటున్న వైద్యం చాలా ఖరీదైనది. నాకు ఆర్థికస్థోమత ఉంది కాబట్టి దాన్ని భరించగలను. కానీ, కొందరి పరిస్థితి వేరు. ఇంత ఖర్చుపెట్టి వైద్యం చేయించుకోలేరు. వాళ్ల గురించే నేను ఆలోచించి హెల్త్ టిప్స్‌ చెబుతుంటాను. దేని గురించైనా తెలుసుకోకుండా ఇతరులకు సలహా ఇచ్చేంత అమాయకురాలిని కాదు. నేను చికిత్స తీసుకుంటున్న డాక్టర్‌కు 25 ఏళ్ల సుదీర్ఘ అనుభవం ఉంది’ అని తెలిపారు. ఒక పెద్దమనిషి నా పోస్ట్‌ను, నా సలహాలను ఉద్దేశపూర్వకంగా బలమైన పదాలతో దూషించారు. ఆయన కూడా డాక్టరే. నాకంటే ఆయనకు ఎన్నో విషయాలపై అవగాహన ఉంటుందనడంలో సందేహం లేదు. నన్ను నిందించడం కంటే నాకు చికిత్స చేసిన డాక్టర్‌తో ఆయన ముఖాముఖిలో పాల్గొని ఉంటే బాగుండేది అని చెప్పుకొచ్చింది.
ఇక స‌మంత‌కి స‌పోర్ట్‌గా రాహుల్ రవీంద్రన్ కౌంటర్ ఇచ్చాడు. “ఈ విషయం గురించి సమంత ట్యాగ్ చేసిన డాక్టర్‌తో వాదిస్తే మంచిది” అని సమంతకు రాహుల్ రవీంద్రను మద్దతుగా నిలిచాడు. డాక్టర్‌కు కౌంటర్ ఇస్తూ తన స్నేహితురాలికి అండగా నిలిచాడు రాహుల్ రవీంద్రన్. అర్హ‌త క‌లిగిన వైద్యులే భిన్నాభిప్రాయాలు క‌లిగి ఉన్న‌ప్పుడు మ‌నం ఇలాంటి స‌ల‌హాల‌పైనే ఆధార‌ప‌డ‌తాం.ఒక‌వేళ సమంత చెప్పేది త‌ప్పైతే నేనే హెచ్చ‌రిస్తా. కోవిడ్ వ్యాక్సిన్ ల నుండి సైన్స్‌పై ఆధార‌ప‌డిన ప్ర‌త్యామ్నాయ చికిత్స‌ల వ‌రకు సైంటిఫిక్ క‌మ్యూనిటీలో భిన్నాబిప్రాయాలు ఉంటే ఎవ‌రిని న‌మ్మాలి అని చెబుతూ స‌మంత‌కి మద్దతుగా నిలుస్తూ రాహుల్ చెప్పారు. అయితే రాహుల్ భార్య చిన్మ‌యికి సమంత ఫ్రెండ్ కాబట్టి ఆమెకి మద్దతుగా నిలిచాడ‌ని ఆయ‌న‌పై కూడా తెగ విమ‌ర్శ‌లు వ్య‌క్తం అవుతున్నాయి.
