Puli Meka Web Series : టాలీవుడ్ హీరో, హీరోయిన్లు ఆది సాయికుమార్, లావ‌ణ్య‌త్రిపాఠి డిజిట‌ల్ ప్లాట్‌ఫామ్‌లోకి ఎంట్రీ ఇస్తూ న‌టించిన తొలి వెబ్‌సిరీస్ పులిమేక. కె చ‌క్ర‌వ‌ర్తి రెడ్డి ద‌ర్శ‌క‌త్వం వ‌హించిన ఈ వెబ్‌సిరీస్‌కు కోన వెంక‌ట్ క‌థ‌ను అందిస్తూ స్వ‌యంగా నిర్మించ‌గా, ఇది పూర్తిగా. సైకో కిల్లర్ క‌థాంశంతో రూపొందింది. ఈ వెబ్‌సిరీస్ జీ5 ఓటీటీలో విడుద‌ల కాగా, ఆదిసాయికుమార్‌, లావణ్య త్రిపాఠి తొలి ఓటీటీ ప్ర‌య‌త్నం ప్రేక్ష‌కుల్నిమెప్పించిందా? లేదా? అన్న‌ది ఇప్పుడు చూద్దాం. క‌థ విష‌యానికి వ‌స్తే.. హైదరాబాద్ లోని పలువురు పోలీస్ ఆఫీసర్లని ఒక సీరియల్ కిల్లర్ ఒకరి తరువాత మరొకరిని హత్యచేస్తూ ఉంటాడు. ఇది పోలీస్ డిపార్ట్మెంట్ మొత్తానికి పెద్ద స‌మ‌స్య‌గా మారుతుంది.
వృత్తి పరంగా మంచి ట్రాక్ రికార్డు కలిగిన ఐపీఎస్ ఆఫీసర్ కిరణ్ ప్రభ (లావణ్య త్రిపాఠి) ని ఆ సీరియల్ కిల్లర్ ని పట్టుకునేందుకు స్పెషల్ ఆఫీసర్ గా నియమించ‌డం జ‌రుగుతుంది.. అయితే తన టీమ్ తో కలిసి ఆమె ఇన్వెస్టిగేషన్ ప్రారంబించిన సమయంలో ఆమెకు ఫోరెన్సిక్ డిపార్ట్ మెంట్ లో హెడ్ గా వర్క్ చేసే ప్రభాకర్ శర్మ (ఆది సాయి కుమార్) సహాయం చేస్తుంటాడు. మరి ఇంతకీ ఆ కిల్లర్ ఎవరు, అసలు అతడు పోలీస్ డిపార్ట్ మెంట్ ని ఎందుకు టార్గెట్ చేసాడు, ఫైనల్ గా అతడిని కిరణ్ ప్రభ పట్టుకున్నారా లేదా అనేది చిత్రం మిగ‌తా క‌థ. రొటీన్ క‌థ‌ను డిఫ‌రెంట్‌గా ప్ర‌జెంట్ చేస్తూ ప్రేక్ష‌కుల్ని ఎంగేజ్ చేయ‌డంపైనే జ‌యాప‌జ‌యాలు ఆధార‌ప‌డిఉంటాయి.
ఈ విష‌యంలో పులి మేక వెబ్‌సిరీస్ ద‌ర్శ‌క‌ర‌చ‌యిత‌లు కొంత వరకు స‌క్సెస్ అయ్యారు. ప్ర‌తి ఎపిసోడ్‌లో ప్రేక్ష‌కుల ఊహ‌ల‌కు అంద‌ని ట్విస్ట్‌ ఇస్తూ చివ‌రి వరకు ఉత్కంఠ‌భ‌రితంగా సిరీస్‌ను న‌డిపించార‌నే చెప్పాలి.తొలి నాలుగు ఎపిసోడ్స్ థ్రిల్లింగ్‌గా న‌డిపించిన ద‌ర్శ‌కుడు చివ‌రి నాలుగు ఎపిసోడ్స్‌లో ఎమోష‌న్స్‌కు ఎక్కువ‌గా ఇంపార్టెన్స్ ఇచ్చాడు. బిగ్ బాస్ ఫేమ్ సిరి హన్మంత్ ఈ సిరీస్ లో కీలక రోల్ చేసారు. ఈ సిరీస్ లో పల్లవి పాత్రలో ఆమె కనబరిచిన నటన, ఎమోషన్స్ నిజంగా ఎంతో బాగున్నాయి. కొన్ని అనవసరమైన ఫ్యామిలీ డ్రామా సన్నివేశాలు పెద్దగా ఆకట్టుకోవు, అలానే స్టోరీ లైన్ కి అవి పెద్దగా అవసరం లేదనిపిస్తుంది. అలానే కొన్ని అన్ పార్లమెంటరీ పదాలు ఆడియన్స్ కి ఇబ్బందికరంగా అనిపించాయి.థ్రిల్ల‌ర్ జోన‌ర్ ట్రెండ్‌ను ఇష్ట‌ప‌డేవారిని పులి మేక వెబ్‌సిరీస్ మెప్పిస్తుంది. ఎనిమిది ఎపిసోడ్స్‌తో రూపొందిన ఈ సిరీస్ ప్రేక్ష‌కుల‌ని కొంత వరకు అయితే ఎంగేజ్ చేయ‌గ‌లుగుతుంది.
