Prabhas : పాన్ ఇండియా స్టార్ ప్రభాస్ క్రేజ్ గురించి ప్ర‌త్యేక ప‌రిచ‌యాలు అక్క‌ర్లేదు. రెబల్ స్టార్ కృష్ణంరాజు నట వారసుడిగా ఈశ్వర్ సినిమాతో తెలుగు ప్రేక్షకులకు పరిచయమైన ప్రభాస్ విపరీతమైన ఫ్యాన్ ఫాలోయింగ్ సంపాదించుకున్నాడు. సినిమా హిట్ అయిన ఫ్లాప్ అయిన ఆయనపై అభిమానులకు ఉన్న క్రేజ్ ఏ మాత్రం తగ్గడంలేదు. ప్రభాస్ నుంచి ఎప్పుడెప్పుడు కొత్త సినిమా వస్తుందా అని ఎంతో ఆసక్తిగా ఎదురుచూసే స‌మ‌యంలో ఇప్పుడు ఆయ‌న బాలకృష్ణ షోలో సంద‌డి చేసేందుకు సిద్ధంగా ఉన్నాడు. ప్ర‌భాస్‌తో పాటు గోపిచంద్ కూడా ఈ షోలో పాల్గొన‌గా, దీనికి సంబంధించిన ప్రోమో తాజాగా విడుద‌లైంది.
ఈ ప్రోమోలో భాగంగా దివంగత నటుడు కృష్ణంరాజు గారికు నివాళులు అర్పించారు. ఈ క్రమంలోనే కృష్ణంరాజు స్పెషల్ ఏవిని ప్రదర్శించారు.అనంతరం రెండు నిమిషాల పాటు మౌనం పాటించిన తర్వాత ప్రభాస్ తన పెదనాన్న కృష్ణంరాజు గారు చెప్పిన మాటలను గుర్తు చేసుకుని ఎమోషనల్ అవుతూ కంటతడి పెట్టుకున్నారు. కృష్ణంరాజు ఏవి చూసి ఎమోషనల్ కావడంతో ఒక్కసారిగా షో మొత్తం నిశ్శబ్ద వాతావరణం సంతరించుకుంది. ఇక ప్రభాస్.. తన పెదనాన్న గురించి మాట్లాడుతూ పెదనాన్న తనకి ఎప్పుడూ ఒకటే చెప్పేవారని, శత్రువు మన ఇంటికి వచ్చిన మర్యాదలు ఇవ్వాలని, కోపతాపాలని బయట చూసుకోవాలని కృష్ణంరాజు తనకు చెప్పేవారని ఆ మాటలను గుర్తు చేసుకుని ఎమోషనల్ అయ్యారు.
ప్రభాస్ అంటే తనకు ఎంతో ఇష్టమని ఈ సందర్భంగా ప్రభాస్ తెలిపారు.ఇక కృష్ణంరాజు 2022 సెప్టెంబర్ 11వ తేదీ అనారోగ్య సమస్యలతో మరణించిన విషయం మనకు తెలిసిందే. ఇక ఈ షోకి ఒక మహారాజును ఆహ్వానిస్తున్నట్లుగా ప్రభాస్ ని షోలోకి స్వాగతం పలికాడు నందమూరి నటసింహం బాలకృష్ణ. ప్రభాస్ ఎంట్రీతో సెట్ మొత్తం ప్రేక్షకుల అరుపులు, కేకలతో మారుమోగిపోయింది. సభాముఖంగా ప్రేమగా అడుగుతున్నాను.. నన్ను కూడా డార్లింగ్ అని పిలవాలని బాలయ్య అంటే సరే డార్లింగ్ సార్ అని ప్రభాస్ అన్నాడు. మొన్న శర్వానంద్ వచ్చాడు. పెళ్లెప్పుడని అడిగా.. ప్రభాస్ తర్వాత అన్నాడు అని బాలకృష్ణ అంటే.. నేను సల్మాన్ ఖాన్ తర్వాత అనాలేమో అని అందరినీ నవ్వించాడు ప్రభాస్.
