Posani Krishna Murali : ప్రస్తుత ఎఫ్‌డీసీ చైర్మ‌న్ పోసాని కృష్ణ మురళి గ‌త కొద్ది రోజులుగా సినిమా ప‌రిశ్ర‌మ‌కు చెందిన ప‌లువురు ప్ర‌ముఖుల గురించి దారుణ‌మైన కామెంట్స్ చేస్తూ వ‌స్తున్నారు. ముందుగా ప‌వ‌న్‌పై దారుణ‌మైన కామెంట్స్ చేసిన పోసాని ఆ తర్వాత బాల‌య్య‌ని విమ‌ర్శించాడు. ఇక రీసెంట్‌గా ఓ ఇంట‌ర్వ్యూలో మాట్లాడుతూ సీనియ‌ర్ దర్శ‌కుడు రాఘ‌వేంద్ర‌రావుని ఉద్దేశించి ఆయ‌న చేసిన కామెంట్స్ వైరల్ అవుతున్నాయి. అయితే ఇలా ఓపెన్‌గా మాట్లాడితే.. మాగ్జిమం ఏం చేస్తారు. పోసానిగాడికి వేషాలు ఇవ్వొద్దు. అని తొక్కి పెట్టాల‌నుకుంటారు. నేను బాగా సెటిల్డ్‌. ఈ మాట రాఘ‌వేంద్ర‌రావుకే డైరెక్ట్‌గా చెబుతున్నాను. ఇలాంటి బ్లాక్ మెయిల్స్ చాలానే ఉన్నాయి అని అన్నాడు న‌టుడు, ర‌చ‌యిత పోసాని.
ఇండస్ట్రీలో రాఘవేంద్ర రావు గారు ఎంతో గొప్ప డైరెక్టర్ ఆయనంటే తనకు ఎంతో ఇష్టమని చెప్పారు. వైసీపీ గెలిచాక పృథ్వీరాజ్ ఎస్వీబీసి చైర్మన్‌గా నియ‌మించ‌బ‌డ్డాడు. అయితే ఆ సమయంలో పృథ్విరాజ్ తనకు ఫోన్ చేసి డైరెక్టర్ రాఘవేంద్ర రావు గారు చాలా అవినీతి పనులు చేశారు. వాటిని క‌క్కిస్తానంటూ నాకు చెప్పాడు అని పోసాని అన్నారు. ఒక‌రోజు రాఘవేంద్ర‌రావు ఉద‌యాన్నే కాల్ చేసి ఏం పోసాని నేను ఏదో అవినీతి చేశానట పృథ్వీరాజ్ అవన్నీ కక్కిస్తారని అడ‌గ‌గా, దానికి సార్ మీరు లంచాలు తిన్నారో లేదో నాకు తెలియదు కానీ నేను చెబుతాలేండి అని అన్నాను . తర్వాత రాఘవేంద్రరావుగారే ఫోన్ చేసి థాంక్స్ చెప్పారు.
పృథ్వీ ప‌దవి దిగిపోయిన‌ప్పుడు మ‌ళ్లీ నాకు రాఘవేంద్రరావుగారు ఫోన్ చేసి ‘హ హ హ.. మురళి’ అన్నారు. ఏదైతే పృథ్వీని తిట్టాడో త‌న‌నే పిలిచి మ‌ళ్లీ వేష‌మిచ్చాడు. అందుకు కార‌ణం పృథ్వీ వైసీపీలో లేడుగా. నేను ఇంకా వైసీపీలో ఉన్నానుగా. నాతో ప‌ని చేయించుకుంటాడు కానీ న‌న్నో విల‌న్‌లాగా చూస్తాడు. ఓ సారి నాతో మాట్లాడుతూ ‘రావణాసురుడు కోసం అతని కొడుకు మేఘనాథుడు చచ్చిపోయాడు. అలా నువ్వు కూడా ఈ రావణాసురుడు కోసం చచ్చిపోతావా.. హ హ హ’ అని అన్నాడు. అంటే రాఘవేంద్రరావుగారిలాంటి వాళ్లకు కూడా జగన్‌పై పీక‌ల దాకా కోపం ఉంది అని పోసాని సంచ‌ల‌న కామెంట్స్ చేశారు. ప్ర‌స్తుతం ఈ కామెంట్స్ నెట్టింట వైరల్ అవుతున్నాయి.
