Posani Krishna Murali : చ‌నిపోయిన వ్య‌క్తిపై అలాంటి కామెంట్లు అవ‌స‌ర‌మా.. పోసానిపై నెటిజ‌న్ల ఆగ్ర‌హం..

Posani Krishna Murali : తెలుగు సినిమా చరిత్ర‌లో చిర‌స్తాయిగా కైకాల స‌త్య‌నారాయ‌ణ పేరు నిలిచి ఉంటుంద‌న‌డంలో ఎలాంటి అతిశయోక్తి లేదు. ఎన్నో విభిన్న‌మైన పాత్ర‌లు పోషించిన కైకాల కొంత కాలంగా అనారోగ్యంతో బాధ‌ప‌డుతూ ఉండ‌గా, డిసెంబ‌ర్ 23 తెల్ల‌వారుఝామున క‌న్నుమూసారు. ఆయ‌న మృతికి తెలుగు రాష్ట్రాల‌కి చెందిన సినీ, రాజ‌కీయ ప్ర‌ముఖులు సంతాపం తెలిపారు. ఇక ప్ర‌భుత్వ లాంఛ‌నాల ప్ర‌కారం అంత్రిక్రియ‌లు జ‌రిపించారు. అయితే కైకాల సత్యనారాయణ గారి మృతికి ఎఫ్. డి. సి. చైర్మన్ పోసాని కృష్ణ మురళి సంతాపం ప్రకటిస్తూ చేసిన కామెంట్స్ చ‌ర్చ‌నీయాంశంగా మారాయి.

కైకాలని ప్రశంసిస్తూనే రాజకీయ ఉద్దేశం ఉన్నట్లుగా కొన్ని కామెంట్స్ చేశారు పోసాని. ‘ చెంచాగిరి చేయకుండా, డ్రామాలు ఆడకుండా నిజాయతీగా బతికినవాడు కైకాల సత్యనారాయణ. కాలం ఉన్నంత కాలం కాకపోయినా సినీ కళాకారులు ఉన్నంతకాలం బతికి ఉండే నటుడు కైకాల.. జోహార్’ అంటూ పోసాని కామెంట్స్ చేశారు. ఈ సమయంలో కూడా చెంచాగిరి, డ్రామాలు అంటూ పొలిటికల్ ప్రెస్ మీట్స్ లో వాడే పదాలు ఎందుకు వాడుతున్నావు అంటూ పోసానిని తిట్టి పోస్తున్నారు. పోసాని ఆ మ‌ధ్య ప‌వ‌న్ క‌ళ్యాణ్‌పై దారుణ‌మైన వ్యాఖ్య‌లు చేయ‌డంతో కొంద‌రు అభిమానులు పోసాని ఇంటిపై దాడులు కూడా చేసిన విష‌యం తెలిసిందే.

ఇక పోసాని విష‌యానికి వ‌స్తే.. సంచలన సినిమాలు, నవ్వించే పాత్రలు, గుర్తుండిపోయే కథలు ఇలా గత 30 సంవత్సరాలుగా తెలుగు ఇండస్ట్రీతో విడదీయలేని సంబంధం ఏర్ప‌ర‌చుకున్నారు.. ఈయన పేరు చెబితే కొందరికి ఆపరేషన్ దుర్యోధన లాంటి ఎమోషన్ సినిమా గుర్తుకొస్తుంది. మరికొందరికి ఈయన కలం నుంచి జాలువారిన పవిత్ర బంధం, సీతయ్య లాంటి సినిమాలు వెంటనే మదిలోకి వస్తాయి. పోసాని కృష్ణ మురళి తరచుగా ఆయన వేసుకున్న డ్రెస్ ని సరి చేసుకుంటూ ఉన్నట్లుగా కనిపిస్తారు. ఏం మాట్లాడినా మధ్యలో రాజా అని, ఐ లవ్ యు రాజా అని అంటూ ఉంటారు.