Pawan Kalyan : ఇప్పుడు తెలంగాణ‌లో ఎక్క‌డ చూసిన ,ఎవ‌రి నోట విన్నా కూడా బ‌ర్ర‌లెక్క పేరే వినిపిస్తుంది. ఆమె ఇండిపెండెంట్‌గా పోటీ చేయ‌డంతో కొంద‌రు ఆమెపై దాడుల‌కి తెగ బ‌డ్డారు. ఈక్ర‌మంలో బ‌ర్రెల‌క్క త‌న ఆవేద‌న‌ని సోష‌ల్ మీడియా ద్వారా తెలియ‌జేసింది. అయితే ఆమెకి అండ‌గా ఉంటామంటూ ప‌లువురు ప్ర‌ముఖులు ఆవేద‌న వ్య‌క్తం చేస్తూ ధైర్యం అందిస్తున్నారు. తెలంగాణ ఎన్నికల ప్రచారంలో భాగంగా వరంగల్, హన్మకొండ జిల్లాల బిజెపి అభ్యర్థుల కోసం ప్రచార పర్వాన్ని సాగించిన పవన్ కళ్యాణ్ ఈ సందర్భంగా బ‌ర్రెల‌క్క లాంటి వారికి త‌న అండ త‌ప్ప‌క ఉంటుందంటూ ప‌రోక్షంగా కామెంట్ చేశారు.
ఏ మార్పు కోసం తెలంగాణ బిడ్డలు చనిపోయారో.. అది సాధిస్తానని స్పష్టం చేశారు. తెలంగాణ ఇచ్చిన స్ఫూర్తితోనే తను పదేళ్లుగా పార్టీని కొనసాగిస్తున్నానన్నారు. నాకు ఆంధ్ర జన్మనిస్తే తెలంగాణ పునర్జన్మను ఇచ్చిందని పేర్కొన్న పవన్ కళ్యాణ్ నాడు తెలంగాణ రాష్ట్రానికి మద్దతు ఇచ్చిన వారిలో నేను ఒకడినని స్పష్టం చేశారు. ఎంతోమంది అమరుల బలిదానాలపై ఏర్పడిన తెలంగాణ రాష్ట్రం అవినీతిమయం కావడం తనకు బాధను కలిగించిందని పేర్కొన్నారు.వచ్చే ఏడాది నుంచి తెలంగాణ రాష్ట్రంలో పర్యటిస్తానని పేర్కొన్నారు. పదేళ్లలో తాను తెలంగాణపై ఏ రోజూ మాట్లాడలేదని, కానీ ఇకపై తెలంగాణ రాష్ట్ర ప్రజల కోసం మాట్లాడతాను అన్నారు.
ప్రధాని పట్ల తనకి ఎంతో గౌరవం ఉందని తెలిపిన పవన్ కళ్యాణ్, తెలంగాణ రాష్ట్రం ఏర్పడిన దశాబ్దం తర్వాత తను తెలంగాణ ప్రజలకు మాట ఇస్తున్నానని, వచ్చే సంవత్సరం నుంచి తెలంగాణ రాష్ట్రంలో కూడా పర్యటనలు చేస్తానని స్పష్టం చేశారు. బ‌ర్రెల‌క్క లాంటి వాళ్ల‌కి త‌న స‌పోర్ట్ త‌ప్ప‌క ఉంటుంద‌నే విష‌యాన్ని పవన్ కళ్యాణ్ ఇన్‌డైరెక్ట్‌గా చెప్పుకొచ్చారు. రాను రాను బ‌ర్రెల‌క్క‌కి మద్దతు పెరుగుతూ పోతుండ‌డంతో బీఆర్ఎస్ నాయ‌కుల‌లో టెన్ష‌న్ పెరుగుతూ పోతుంది.
