Nithya Ravindran : తెలుగుతో పాటు ఏ ఇండస్ట్రీలో చూసినా సిస్టర్ సెంటిమెంట్ తో వచ్చి బ్లాక్ బస్టర్ లుగా నిలిచిన సినిమాలు ఎన్నో ఉన్నాయి. పాత్ర స్వభావం ఎలాంటిదైనా తెలుగు చిత్ర సీమలో సిస్టర్ సెంటిమెంట్ కు ఎప్పుడూ క్రేజ్ తగ్గలేదు. అయితే చెల్లి పాత్రల కోసమే పుట్టినట్లుగా కొందరు గుర్తుండిపోతారు. అలాంటి వారిలో ఒకరు సంయుక్త. ఇప్పటి వరకు తెలియకపోవచ్చు గానీ.. 1970, 80 దశకాల్లో పుట్టిన వారికి మాత్రం ఈమె సుపరిచుతురాలే. 80-90ల మధ్య సిస్టర్ రోల్ కి బ్రాండ్ అంబాసిడర్ గా సంయుక్త గుర్తింపు తెచ్చుకున్నారు. చైల్డ్ ఆర్టిస్ట్ గా ఎంట్రీ ఇచ్చిన సంయుక్త.. తర్వాత హీరోయిన్‌కు ఫ్రెండ్ గా, హీరోలకు చెల్లిగా, డబ్బింగ్ ఆర్టిస్ట్ గా, ఇప్పుడు సీరియల్ నటిగా సెటిలయ్యారు. మనందరికీ సంయుక్తగా బాగా గుర్తు ఉన్నప్పటికీ నిజానికి ఈమె పూర్తి పేరు నిత్య రవీంద్రన్.
తెలుగు, తమిళ, కన్నడ, మలయాళ భాషల్లో దాదాపు 50 సంవత్సరాలుగా నటిస్తూనే వున్నారు సంయుక్త అలియాస్ నిత్య రవీంద్రన్. ఈమె చెల్లిగా నటించింది మెగాస్టార్ చిరంజీవితోనే ఎక్కువ కావొచ్చు. ఖైదీ, న్యాయం, మీరే చెప్పాలి, స్వయంకృషి వంటి సినిమాల్లో చిరంజీవికి ఎంత పేరొచ్చిందో, ఆమెకు అంతే వచ్చింది. ఆ విధంగా తెలుగు సినిమా ఇండస్ట్రీలో ఆడపడుచుగా అందరికీ గుర్తుండిపోయిన సంయుక్త ఉన్నట్టుండి తెలుగు సినిమా ఇండస్ట్రీకి దూరమైపోయింది. తర్వాత తమిళ్, మలయాళ ఇండస్ట్రీలో తల్లి పాత్రలో నటిస్తూ అలరిస్తోంది.
ప్రస్తుతం సోషల్ మీడియా పుణ్యమా అని ఇటీవల ఈమె ఫ్యామిలీకి సంబంధించిన ఫోటోలు కొన్ని వైరల్ గా మారాయి. ఈమె కుటుంబ నేపథ్యం చూస్తే భర్త పేరు రవీంద్రన్ ఇతను కూడా సినిమా ఇండస్ట్రీకి చెందిన వారే. ఈయన ప్రముఖ సినిమాటోగ్రాఫర్. తమిళ్ సినిమా ఇండస్ట్రీలో ఎన్నో సినిమాలకు సినిమాటోగ్రాఫర్ గా పని చేసి మంచి గుర్తింపు సంపాదించారు. ఈమె పిల్లల విషయానికి వస్తే ఇద్దరు పిల్లలు. కొడుకు పేరు అర్జున్, కూతురు పేరు జనని. కొడుకు కూడా తమిళ్ సినిమా ఇండస్ట్రీలో రాణిస్తున్నాడు. కూతురు పై చదువులు చదివి యు.ఎస్ లో సెటిల్ అయింది. ప్రస్తుతం బుల్లితెరపై సంయుక్త బిజీగా ఉన్నారు.
