Niharika Konidela : మెగా బ్ర‌ద‌ర్ నాగ‌బాబు ముద్దుల కూతురు నిహారిక ఇటీవల ఎక్కువ‌గా వార్త‌ల‌లో నిలుస్తూ వ‌స్తుంది. అందుకు కార‌ణం పెళ్లైన కొన్ని సంవ‌త్స‌రాల‌కే విడాకులు తీసుకోవ‌డం. నిహారిక భర్త వెంకట చైతన్యతో ఆమె విడిపోయారు. దీనిపై అధికారిక ప్రకటన లేకున్నప్పటికీ తాజా పరిస్థితులతో ఒక క్లారిటీ వచ్చింది. సోషల్ మీడియాలో జొన్న‌ల‌గ‌డ్డ పెళ్లి ఫొటోల‌ని డిలీట్ చేయ‌డం, క‌లిసి క‌నిపించ‌క‌పోవ‌డం, ఇటీవల నిహారిక అన్నయ్య వరుణ్ తేజ్ నిశ్చితార్థం వేడుక జరగ‌గా ఆ ఈవెంట్‌లోను నిహారిక సోలోగా క‌నిపించ‌డంతో ఆమె తన భ‌ర్త‌కి విడాకులు ఇచ్చింద‌ని కొంద‌రు చెప్పుకొస్తున్నారు.
2023 మార్చి నెలలో వెంకట చైతన్య ఇంస్టాగ్రామ్ నుండి పెళ్లి ఫోటోలు తొలగించాడు. కొద్దిరోజుల అనంతరం నిహారిక కూడా భర్త జ్ఞాపకాలు చెరిపేసింది. అక్కడ మొదలైన విడాకుల పుకార్లకు ఒక స్పష్టత వచ్చింది. గత కొద్ది రోజులుగా నిహారికకు తన భర్త చైతన్యతో తరచూ గొడవలు అవుతున్నాయని అందుకే వాళ్ళు విడాకులు తీసుకోబోతున్నారని వార్తలు సోషల్ మీడియాలో గుప్పుమన్నాయి. ‘ఒక మనసు’ సినిమాతో హీరోయిన్ గా ఎంట్రీ ఇచ్చింది నిహారిక. పలు సినిమాలు చేసింది కానీ ఏవీ ఆశించిన స్థాయిలో విజయం సాధించలేకపోయాయి. తర్వాత చైతన్యని పెళ్లి చేసుకుంది. హీరోయిన్ గా సినిమాలు చేయకపోయినా సొంతంగా ఓ ప్రొడక్షన్ హౌస్ స్టార్ట్ చేసింది. ఆ సంస్థ‌లో చిన్న సినిమాలు, వెబ్ సిరీస్ నిర్మిస్తుంది. ఇప్పటికే నీహారిక ప్రొడక్షన్ హౌస్ నుంచి వచ్చిన కొన్ని వెబ్ సిరీస్ కి మంచి రెస్పాన్స్ వచ్చింది.
రీసెంట్‌గా నిహారిక అపోలో ఆసుప‌త్రిలో మెరిసింది. రామ్ చ‌ర‌ణ్ స‌తీమ‌ణి ఉపాస‌న పండంటి కూతురికి జ‌న్మ‌నివ్వ‌గా, ఆచిన్నారిని చూసేందుకు ప‌లువురు సెల‌బ్రిటీలు ఆసుప‌త్రికి వెళ్లారు. ఉపాస‌న కూడా అపోలోలో ప్ర‌త్య‌క్ష‌మైంది. అయితే ఎక్క‌డ మీడియా వాళ్లు మ‌ళ్లీ తన భర్త గురించి ప్రశ్నిస్తారోన‌ని నిహారిక మెల్ల‌గా జారుకుంది. ప్ర‌స్తుతం ఇందుకు సంబంధించిన వీడియో నెట్టింట తెగ హ‌ల్‌చ‌ల్ చేస్తుంది.
