మెగా బ్ర‌దర్ నాగబాబు ముద్దుల కూతురు నిహారిక గురించి ప్ర‌త్యేక ప‌రిచ‌యాలు అక్క‌ర్లేదు. తొలుత వెబ్ సిరీస్ ద్వారా ప్రేక్ష‌కుల‌ని ప‌ల‌క‌రించిన ఈ అమ్మ‌డు ఆ తర్వాత వ‌రుస సినిమాల‌తో ప‌ల‌క‌రించింది. ఇప్పటి వరకు తెలుగులో మూడు చిత్రాలు చేశారు. ‘ఒక మనసు’ ‘హ్యాపీ వెడ్డింగ్’,‘సూర్యకాంతం’. ఈ మూడు చిత్రాలు అనుకున్నంతగా అలరించలేదు. కానీ మెగా డాటర్‌కు సోషల్ మీడియాలో మంచి ఫాలోయింగ్ ఉంది. సినిమాల‌తో పెద్ద‌గా రాణించ‌ని నేప‌థ్యంలో నిహారిక సోషల్ మీడియాలో రెచ్చిపోతూ నానా ర‌చ్చ చేస్తుంది. చైతన్య జొన్నలగడ్డతో మ్యారేజ్ తర్వాత నటనకు దాదాపు గుడ్ బై చెప్పినట్టు ఆ మధ్య ఒక టీవీలో ప్రసారమయ్యే షోలో వ్యాఖ్యానించింది.
తన భర్తకు తాను సినిమాల్లో నటించడమంటే ఇష్టం లేదు అంటూ కుండ బద్దలు కొట్టింది నిహారిక. ప్రస్తుతం ఈ భామ కేవలం నిర్మాతగా పలు వెబ్ సిరీస్‌లు నిర్మిస్తోంది. అలానే తన భ‌ర్త‌తో క‌లిసి తెగ ట్రిప్స్ వేస్తుంది. అయితే మెగాబ్ర‌ద‌ర్ ముద్దుల కూతురు కాబట్టి చాలా ఫ్రీడమ్ దొరకడంతో నెగిటివిటీని మూటగట్టుకుంది.దాంతో కొన్ని రోజులు సోషల్ మీడియా లైఫ్ కూడా దూరం అయింది. గతంలో తన జిమ్ ట్రైనర్ తో చనువుగా ఉండటం వల్ల బాగా విమర్శలు ఎదుర్కొంది. అంతేకాకుండా ఫుడింగ్ అండ్ మింక్ పబ్ రైడ్ లో డ్రగ్స్ కేసులో పోలీసుల అదుపులో చిక్కి మెగా ఫామిలీ పరువు తీసింది. దీంతో నెగిటివిటీ రావటంతో కొన్ని రోజులు సోషల్ మీడియాకు పూర్తిగా దూరంగా ఉండగా మళ్లీ తను రిఫ్రెష్ అయి అడుగు పెట్టింది.ఇక అప్పటి నుంచి మళ్ళీ తన ఫోటోలను పంచుకుంటూ సోషల్ మీడియాను షేక్ చేస్తోంది.
ఇదిలా ఉంటే నిహారిక చివరి సోషల్ మీడియా పోస్ట్ డిసెంబర్ 12న పెట్టారు. నిహారిక ఆల్మోస్ట్ అజ్ఞాతంలోకి వెళ్లినట్లు కనిపిస్తుండగా పలు అనుమానాలకు దారితీస్తుంది. కొత్త సంవత్సరం లోకి అడుగుపెట్టినప్పటి నుంచి మళ్లీ ఏ ఒక్క పోస్టు కూడా చేసినట్లు కనిపించలేదు.ఇటీవలే తన అన్న వరుణ్ తేజ్ బర్త్ డే సందర్భంగా కూడా విష్ చేసినట్లు కనిపించలేదు. దీంతో నిహారికకు ఏమయ్యింది అని.మళ్లీ సోషల్ మీడియాకు ఎందుకు దూరంగా ఉంది అని అనుమానాలు వస్తున్నాయి.ఇక కొందరేమో లోలోపల మళ్ళీ ఏవైనా గొడవలు వస్తున్నాయా అని అనుమానం పడుతున్నారు.
