Nagachaitanya : 75 ఏళ్లు సినీ కళామ్మ తల్లికి సేవలందించిన నాగేశ్వరావు త‌న కెరీర్‌లో ఎన్నో అద్భుతమైన సినిమాలు తెరకెక్కించి తెలుగు సినిమా ఖ్యాతిని పెంచారు. సెప్టెంబ‌ర్ 20న అక్కినేని శతజయంతి సందర్భంగా ఆయనను తలుచుకుంటూ.. ఆయనకు నివాళులు అర్పిస్తూ సినీ తారలు, అక్కినేని ఫ్యాన్స్ సోషల్ మీడియాలో పోస్ట్ లి పెడుతున్నారు. ఇక అన్నపూర్ణ స్టూడియోస్ లో ఏర్పాటు చేసిన అక్కినేని నాగేశ్వరావు విగ్రహాన్ని భారత మాజీ ఉప రాష్ట్రపతి యం. వెంకయ్య నాయుడు ఆవిష్కరించారు. మహానటుడి శత జయంతి సందర్భంగా అన్నపూర్ణ స్టూడియోలో ఆయన విగ్రహావిష్కరణ కార్యక్రమం వేడుకకు పలువురు సినీ, రాజకీయ ప్రముఖులు హాజరయ్యారు.
మహేష్ బాబు, రామ్ చరణ్ , నాని, నాగ చైతన్య, అఖిల్ వంటి హీరోలు వచ్చారు. సీనియర్ నటుల్లో మోహన్ బాబు , జయసుధ, బ్రహ్మానందం హాజరయ్యారు. ఈ వేదికపై ప్రతి ఒక్కరూ కూడా నాగేశ్వర రావు గొప్పతనాన్ని వివరించగా.. ఆయన మనవడు నాగ చైతన్య కాస్త ఎమోషనల్ అవుతూ స్పీచ్ ఇచ్చారు. ఈ రోజు ఏఎన్నార్ విగ్రహావిష్కరణలో మీరంతా పాల్గొనడం సంతోషంగా ఉంది. ఏఎన్నార్ గారు అంటే అందరికీ తెలుగు ఇందస్ట్రీ పెద్దగా, గొప్ప నటుడిగా, క్లాసిక్ ఐకానిక్ గా పరిచయం. ఆయన చేసిన చిత్రాలు, కొత్త జానర్లలో బోలెడన్ని రిస్కులు చేశారు. ఇప్పటికీ ఫిల్మ్ స్కూల్ ఏఎన్నార్ ను ఇన్పైరింగ్ కేస్ స్టడీగా చదువుతుంటారు. నేను కూడా ఆ లిస్టులో ఒకడిని.
‘మనం’ సినిమా తాత గారితో కలిసి చేయడం నా అదృష్టం. అది నా లైఫ్ లో, కెరీర్ లో హైపాయింట్. జీవితంలో కలలు కనడానికి భయపడాల్సిన అవసరం లేదని ఆయన జర్నీ చెబుతుంది. ఆయన ఎప్పుడూ నాలో దీపంలా వెలుగుతూనే ఉంటారు. మనం ఎక్కడ పుడుతామో.. ఎవరి పుడుతామో మన చేతిలో ఉండదు. అక్కినేని నాగేశ్వర్ రావు గారి మనవడిగా పుట్టడం నా అదృష్టం. ఆయన లెగసీ అదే స్థాయిలో కొనసాగుతుంది. ఆయన మనలోనే జీవించి ఉన్నారు. ఈ వేడుకకు వచ్చిన అక్కినేని అభిమానులకు నా హృదయపూర్వక ధన్యవాదాలు” అని అన్నారు. ఇక నాగార్జున మాట్లాడుతూ… నాన్న మాకు ఎంతో ప్రేమను అందించారు. బాధేసిన, సంతోషం వేసిన నాన దగ్గరికి వెళ్లి పంచుకునే వాళ్ళం అని అన్నారు. నాన్నకు అన్నపూర్ణ స్టూడియో అంటే మహా ఇష్టం. నాన్నకు ఇష్టమైన అన్నపూర్ణ స్టూడియోలో విగ్రహం పెట్టాం అని అన్నారు.
