Naga Chaitanya : నాగ చైత‌న్య, సమంత విడాకుల తర్వాత వారికి సంబంధించిన ప్ర‌తి విష‌యం వైరల్ అవుతుంది. సినిమా రిలీజ్ ల స‌మ‌యంలో వారికి వచ్చే వేధింపులు అన్నీ ఇన్నీ కావు. సమంత న‌టించిన శాకుంతలం రీసెంట్‌గా విడుద‌ల కాగా, ఈ మూవీ ప్ర‌మోష‌న్స్ లో భాగంగా నాగ చైతన్యతో విడాకుల విషయమై సమంత మొదటి సారి నోరు విప్పింది. ఆ సందర్భంలో సమంత మాట్లాడుతూ… వైవాహిక బంధం విషయంలో తాను నూటికి నూరు శాతం చేయాల్సింది చేశాను. ఒక భార్యగా ఎలా ఉండాలో అలాగే ఉండేందుకు ప్రయత్నించాను. కానీ అది వర్కౌట్ కాలేదు. తన నుండి ఎలాంటి తప్పులేదు అన్నట్లుగా సమంత వ్యాఖ్యలు చేసింది. ఆమె వ్యాఖ్యలతో మొత్తం తప్పు నాగచైతన్యదే అనే అభిప్రాయం కొంత మందిలో వ్యక్తం అవుతుంది.
ఇప్పుడు ఇదే వ్యవహారం అక్కినేని అభిమానులకు కోపాన్ని తెప్పిస్తుంది. దాంతో వారు సోషల్ మీడియా వేదికగా సమంతపై విమర్శలు గుప్పించారు. మ‌రోవైపు సమంత వ్యాఖ్యలతో ఒక వర్గం నాగ చైతన్యను విలన్‌గా, సమంతను బాధితురాలిగా ప్రొజెక్ట్ చేస్తున్నారు. విడాకుల వరకు దారితీసిన వ్యక్తిగా నాగ చైతన్యను చూపించే కథనాలు తెలుగు రాష్ట్రాల్లో మరియు ముంబైలో క‌నిపించాయి. అయితే చైతూ న‌టించిన థాంక్యూ గత సంవత్సరం విడుదలై బాక్సాఫీస్ వద్ద చాలా దారుణంగా బోల్తా కొట్టింది.. ఆ తర్వాత సమంతా యొక్క యశోద విడుదలైంది. ఇది మంచి క‌లెక్ష‌న్స్ రాబ‌ట్టింది. ఆ స‌మ‌యంలో సమంత అభిమానులు నాగ చైతన్యను దారుణంగా ట్రోల్ చేశారు.
సమంత క‌న్నా చైతూ చాలా త‌క్కువ ఇమేజ్ ఉన్న హీరో అంటూ ఏవేవో కామెంట్ చేశారు. అయితే ఇప్పుడు వాటిని తిరిగి ఇచ్చే సమయం ఆసన్నమైంది. సమంత న‌టించిన చారిత్రాత్మక చిత్రం శాకుంతలం బాక్సాఫీస్ వద్ద దారుణంగా నిరాశ‌ప‌ర‌చింది. ఈ చిత్రం ఓపెనింగ్-డే కలెక్షన్స్‌తో భారీ ఫ్లాప్‌గా మారింది. కాబట్టి, అక్కినేని అభిమానులు ప్రతీకారం తీర్చుకోవడానికి ఇదే సరైన సమయమని అభిమానులు భావిస్తున్నారు. సమంత సినిమాని తన భుజాల‌పై వేసుకొని సినిమాని హిట్ చేసే అంత స్టార్ కాదంటూ విమర్శలు గుప్పిస్తున్నారు.
